അര്‍ണബിനും റിപ്പബ്ലിക് ടിവിക്കുമെതിരെ ക്രിമിനല്‍ കേസ്

ന്യൂഡല്‍ഹി: മാധ്യമ പ്രവര്‍ത്തകന്‍ അര്‍ണബ് ഗോസ്വാമിക്കും അദ്ദേഹത്തിന്‍റെ ചാനലായ റിപ്പബ്ലിക് ടിവിക്കുമെതിരെ ക്രിമിനല്‍ കേസ്. പകര്‍പ്പവകാശ ലംഘനത്തിന്‍റെ പേരിലാണ് കേസ്. സുനന്ദ പുഷ്കറുമായുള്ള സംഭാഷണങ്ങളുടെ ടേപ്പ് മോഷ്ടിച്ചുവെന്ന് ആരോപിച്ചാണ് ടൈംസ്
നൗ ചാനലാണ് അര്‍ണബിനെതിരെ പൊലീസിനെ സമീപിച്ചത്. ടൈംസ് നൗവിലെ മുന്‍ ജീവനക്കാരിയായിരുന്ന പ്രേമ ശ്രീദേവിക്കെതിരെയും ബെന്നറ്റ്, കോള്‍മാന്‍ ആന്‍ഡ് കോപ്പറേറ്റീവ് ലിമിറ്ററ്റ് കേസ് ഫയല്‍ ചെയ്തിട്ടുണ്ട്.

ഒരു സ്ഥാപനത്തിന്‍റെ ഭാഗമായിരിക്കെ ലഭിച്ച ടേപ്പുകള്‍ പിന്നീട് ഉപയോഗിക്കുന്നത് പകര്‍പ്പാവകാശ നിയമത്തിന്‍റെ നഗ്നമായ ലംഘനമാണെന്നും, ടൈംസ് നൗവിന്‍റെ ജീവനക്കാരായിരിക്കെ അര്‍ണബും ശ്രീദേവിയും സ്വന്തമാക്കിയ ഓ‍ഡിയോ ടേപ്പുകളാണ് എക്സിക്ലൂസിവെന്ന പേരില്‍ റിപ്പബ്ലിക് ടി.വി പുറത്തുവിട്ടിട്ടുള്ളതെന്നും പരാതിയിൽ പറയുന്നു. ഓഡിയോ ടേപ്പുകള്‍ ടൈംസിന് അവകാശപ്പെട്ടതാണെന്ന് ആഭ്യന്തര അന്വേഷണത്തില്‍ കണ്ടെത്തിയിരുന്നു.

Times filescase Against Arnab Goswami


Bennett, Coleman & Co Ltd (BCCL) on Tuesday lodged a complaint against Arnab Goswami, the founder of recently launched English news channel Republic TV, and journalist Prema Sridevi for infringing its copyright