ടി​പ്പു ജ​യ​ന്തി: കു​ട​ക് ജി​ല്ല​യി​ല്‍ വെള്ളിയാഴ്ച ബ​ന്ദ്

മടിക്കേരി : കര്‍ണാടക സര്‍ക്കാരിന്‍റെ നേതൃത്വത്തില്‍ ടിപ്പു ജയന്തി ആഘോഷിക്കുന്നതില്‍ പ്രതിഷേധിച്ച്‌ ടിപ്പു ജയന്തി വിരോധ മുന്നണിയുടെ നേതൃത്വത്തില്‍ കുടക് ജില്ലയില്‍ വെള്ളിയാഴ്ച ബന്ദ് ആചരിക്കും. രാവിലെ ആറു മുതല്‍ വൈകുന്നേരം ആറു വരെയാണ് ബന്ദ്. സംഘര്‍ഷസാധ്യത കണക്കിലെടുത്ത് വെള്ളിയാഴ്ച ജില്ലയില്‍ നിരോധനാജ്ഞ പ്രഖ്യാപിച്ചിട്ടുണ്ട്.

രാവിലെ ഒന്‍പതു മുതല്‍ ശനിയാഴ്ച രാവിലെ 11 വരെയാണ് നിരോധനാജ്ഞ.500 പോലീസുകാരെയാണ് ജില്ലയില്‍ ക്രമസമാധാന പാലനത്തിനായി നിയോഗിച്ചിട്ടുള്ളത്. സുരക്ഷയുടെ ഭാഗമായി കണ്ണൂര്‍, വയനാട്, കാസര്‍ഗോഡ്, ഹാസന്‍, ദക്ഷിണ കന്നഡ, മൈസൂരു ജില്ലകളില്‍നിന്ന് കുടകില്‍ പ്രവേശിക്കുന്ന കേന്ദ്രങ്ങളിലായി 10 ചെക്ക് പോസ്റ്റുകള്‍ തുറക്കുകയും 40 സിസിടിവി കാമറകള്‍ സ്ഥാപിക്കുകയും ചെയ്തിട്ടുണ്ട്.