സുപ്രീം കോടതി വിധി മറികടക്കാന്‍ ബാര്‍ മുതലാളി റോഡ് തടസപ്പെടുത്തി

കോയമ്പത്തൂര്‍: ദേശീയ-സംസ്ഥാന പാതകളുടെ 500 മീറ്റര്‍ പരിധിയില്‍ മദ്യശാലകള്‍ പാടില്ലെന്ന സുപ്രീം കോടതി ഉത്തരവ് മറികടക്കാന്‍ ബാര്‍ ഉടമ റോഡ് തടസപ്പടുത്തി. കോയമ്പത്തൂരിനടുത്തുള്ള സുലൂരിലാണ് സംഭവം.

ട്രിച്ചി റോഡിന് സമീപത്തുണ്ടായിരുന്ന ബാറിന് റോഡുമായി 300 മീറ്റര്‍ മാത്രമേ ദൂരം ഉണ്ടായിരുന്നുള്ളു. ബാറിന്‍റെ പ്രവേശനവഴി പിന്‍ഭാഗത്തുകൂടിയാക്കിയപ്പോഴും 100 മീറ്റര്‍ ദൂരം മാത്രമേ കൂടിയുള്ളു. തുടര്‍ന്നാണ് ഉദ്യോഗസ്ഥര്‍ പരിശോധനയ്‍ക്ക് എത്തുമ്പോഴേക്കും പ്രദേശവാസികള്‍ സ്ഥിരമായി ഉപയോഗിച്ചുകൊണ്ടിരുന്ന റോഡ് ബാര്‍ ഉടമസ്ഥന്‍ കെട്ടിയടച്ചത്.

ഇതോടെ ട്രിച്ചി റോഡും ബാറും തമ്മിലുള്ള ദൂരം 700 മീറ്ററായി വര്‍ധിച്ചു. പക്ഷേ, പരിശോധനയ്‍ക്കെത്തിയ ഉദ്യോഗസ്ഥര്‍ക്ക് കാര്യം മനസിലായതോടെ ലൈസന്‍സ് റദ്ദാക്കി. വഴി തടസപ്പെടുത്തിയതിനെതിരെ പ്രദേശവാസികള്‍ പ്രതിഷേധിക്കുകയും ചെയ്‍തു.

TN bar owner blocks road to bypass Supreme Court order

A bar owner attempted to block a common pathway in Sulur town panchayat in Coimbatore and forced the residents to use a circuitous road so that a Tasmac shop located 400m from the highways can escape the court order.