ശനിയാഴ്ച്ച വിശ്വാസവോട്ടെടുപ്പ്; എംഎല്‍എമാ‍ര്‍ വീണ്ടും റിസോര്‍ട്ടിൽ

ചെന്നൈ: അണ്ണാഡിഎംകെ ജനറല്‍ സെക്രട്ടറി വികെ ശശികലയുടെ വിശ്വസ്തനായ എടപ്പാടി പളനിസ്വാമി പുതിയ തമിഴ്‌നാട് മുഖ്യമന്ത്രിയായി അധികാരമേറ്റു. എങ്കിലും സംസ്ഥാനത്തെ പൊതുജനത്തിന്‍റെ പിന്തുണ ഒ പനീര്‍ശെല്‍വത്തിന് തന്നെയാണെന്നാണ് അവിടുത്തെ ജനങ്ങളുടെ പ്രതികരണങ്ങൾ വ്യക്തമാക്കുന്നത്. ജനങ്ങളുടെ മുഖ്യമന്ത്രി ഒപിഎസ് ആണെന്നാണ് ചെന്നൈ തെരുവുകളിലെ സാധാരണക്കാര്‍ ഒന്നായി പറയുന്നത്. ഒപിഎസില്‍ നിന്നും അധികാരം പിടിച്ചെടുക്കാന്‍ ശശികല നടത്തിയ നീക്കങ്ങളിലെ ജനരോഷം ഇനിയും അടങ്ങിയിട്ടില്ല.

അതേസമയം സംഭവബഹുലമായ ഒമ്പത് ദിവസത്തിനൊടുവില്‍ റിസോര്‍ട്ടില്‍ നിന്ന് പുറത്തിറങ്ങിയ എം.എല്‍.എമാര്‍ മണിക്കൂറുകള്‍ക്കുള്ളില്‍ റിസോര്‍ട്ടില്‍ മടങ്ങിയെത്തി. പഴനി സ്വാമി മന്ത്രിസഭയുടെ സത്യപ്രതിജ്ഞയില്‍ പങ്കെടുക്കാനാണ് എം.എല്‍.എമാരെ പുപറത്തിറക്കിയത്. മന്ത്രിസഭയുടെ സത്യപ്രതിജ്ഞാ ചടങ്ങ് കഴിഞ്ഞ ഉടൻ തന്നെ എം.എല്‍.എമാരെ കൊണ്ടുപോയ അതേ വാഹനങ്ങളില്‍ തന്നെ ഇവരെ തിരികെ റിസോര്‍ട്ടിലെത്തിച്ചു. ശനിയാഴ്ചയാണ് നിയമസഭാ സമ്മേളനം ചേരുക. അന്ന് വിശ്വാസ വോട്ടെടുപ്പും നടക്കും.

TN CM Palaniswami to seek vote of confidence on February 18: AIADMK

Newly appointed Tamil Nadu Chief Minister Edappadi K. Palanisamy will seek the vote of confidence on February 18, the AIADMK said.