ബംഗാളിലെ തൃണമൂൽ എംഎൽഎയും 12 കൗൺസിലര്‍മാരും ബിജെപിയിൽ ചേര്‍ന്നു

ന്യൂഡൽഹി: പശ്ചിമ ബാംഗാളിൽ തൃണമൂൽ കോൺഗ്രസിന് തിരിച്ചടിയായി കൊഴിഞ്ഞുപോക്ക് തുടരുന്നു. ഇന്ന് ഒരു എംഎൽഎയും 12 കൗൺസിലര്‍മാരുമാണ് ബിജെപിയിൽ ചേര്‍ന്നത്. ഇവര്‍ക്കൊപ്പം ഒരു കോൺഗ്രസ് വക്താവും ബിജെപിയിൽ ചേര്‍ന്നു. ബംഗാള്‍ നേതാക്കളായ കൈലാഷ് വിജയ്‍വര്‍ഗിയ, മുകുൾ റോയ് എന്നിവരുടെ സാന്നിധ്യത്തിലാണ് തൃണമൂൽ നേതാക്കൾ ബിജെപിയിൽ അംഗത്വം സ്വീകരിച്ചത്.

ബോഗോണിലെ എംഎൽഎയായ ബിസ്വജിത്ത് ദാസാണ് തൃണമൂൽ കോൺഗ്രസ് വിട്ടത്. ഇന്നലെ തൃണമൂൽ എംഎൽഎയായ സുനിൽ സിങിനൊപ്പം 15 കൗൺസിലര്‍മാര്‍ ബിജെപിയിൽ ചേര്‍ന്നിരുന്നു. ലോക്സഭാ തെരഞ്ഞെടുപ്പ് ഫലപ്രഖ്യാപനത്തിന് ശേഷം നിരവധി തൃണമൂൽ നേതാക്കള്‍ ബിജെപിയിലേക്ക് ചേക്കേറിയിരുന്നു.