'ഇന്നത്ത യുവാക്കള്‍ ജാതീയതയെയും പക്ഷപാതത്തെയും അംഗീകരിക്കുന്നില്ല'; മന്‍ കീ ബാത്തിലൂടെ പ്രധാനമന്ത്രി

ന്യൂഡല്‍ഹി: ഇന്നത്തെ യുവാക്കള്‍ ജാതീയതയെയും പക്ഷപാതത്തെയും അംഗീകരിക്കുന്നില്ലെന്ന് പ്രധാനമന്ത്രി നരേന്ദ്ര മോദി. 2019 ലെ അവസാനത്തെ മന്‍ കീ ബാത്ത് പ്രോഗ്രാമിലൂടെയാണ് അദ്ദേഹം ഇക്കാര്യം പറഞ്ഞത്. മന്‍ കീ ബാത്തിന്റെ 60 ാമത്തെ എപിസോഡു കൂടിയായിരുന്നു. രാജ്യത്തെ എല്ലാവര്‍ക്കും പുതുവത്സരാംശസകള്‍ നേര്‍ന്നുകൊണ്ടാണ് മോദി മന്‍ കീ ബാത്ത് ആരംഭിച്ചത്.

"ഇന്നത്തെ യുവാക്കള്‍ ജാതീയതയെയും പക്ഷപാതത്തെയും വിവേചനത്തെയും അംഗീകരിക്കുന്നില്ല. ഇന്ത്യയ്ക്ക് യുവജനങ്ങളില്‍ നിന്ന് വളരെ അധികം പ്രതീക്ഷയുണ്ട്. അവര്‍ ഇന്ത്യയെ ഉന്നതങ്ങളിലെത്തിക്കും. യുവാക്കളില്‍ ഊര്‍ജ്ജവും ശക്തിയും നിറഞ്ഞിരിക്കുകയാണ് മാത്രമല്ല, അവര്‍ക്ക് മാറ്റങ്ങള്‍ കൊണ്ടുവരാനുള്ള കഴിവും ഉണ്ട്", പ്രധാനമന്ത്രി മന്‍ കീ ബാത്തിലൂടെ പറയുന്നു.

സ്ത്രീകള്‍ ദാരിദ്ര്യത്തില്‍ നിന്ന് നിശ്ചദാര്‍ഢ്യത്തോടെയും ഉറച്ച തീരുമാനത്തോടെയും ഉയര്‍ത്തെഴുന്നേല്‍ക്കുന്നുണ്ട്. ഉത്തര്‍പ്രദേശിലെ ഫുല്‍പുരില്‍, സ്ത്രീകള്‍ പാദരക്ഷകള്‍ എങ്ങനെ നിര്‍മ്മിക്കാമെന്ന് പഠിച്ചു. ഇതിലൂടെ അവരുടെ കാലുകളില്‍ മുറിവേല്‍പ്പിക്കുന്ന മുള്ളുകള്‍ നീക്കം ചെയ്യുക മാത്രമല്ല, അവരുടെ കുടുംബത്തെ പോറ്റാന്‍ സ്വയം പ്രാപ്തരാകുകയാണ്.