മൊബൈൽ ഫോൺ ചാര്‍ജറിന്‍റെ വയറിന്‍റെ അറ്റം വായിലെടുത്തുവെച്ച രണ്ട് വയസ്സുകാരിക്ക് ദാരുണാന്ത്യം. ഉത്തര്‍പ്രദേശിലെ മീററ്റിലാണ് സംഭവം. മൊബൈൽ ചാര്‍ജ് ചെയ്ത ശേഷം സ്വിച്ച് ഓഫാക്കാതെ ചാര്‍ജര്‍ വയര്‍ അശ്രദ്ധയോടെ ഇട്ടതാണ് അപകടകാരണമായത്. ഇതറിയാതെ കുഞ്ഞ് ചാര്‍ജര്‍ വയറിന്‍റെ അറ്റം വായിലെടുത്തുവയ്ക്കുകയായിരുന്നു. ഷോവര്‍ എന്നു പേരുള്ള കുഞ്ഞാണ് ഷോക്കേറ്റ് മരിച്ചത്.
വീട്ടുകാര്‍ ചേര്‍ന്ന് ഉടൻ കുട്ടിയെ ആശുപത്രിയിലെത്തിച്ചെങ്കിലും രക്ഷിക്കാനായില്ല. വീട്ടുകാരുടേതായി പോലീസിൽ പരാതികളൊന്നും ലഭിച്ചിട്ടില്ല. അതിനാൽ കേസ് രജിസ്റ്റര്‍ ചെയ്തിട്ടില്ലെന്ന് ജഗൻഗിരാബാദ് പോലീസ് സ്റ്റേഷൻ എസ്ഐ അഖിലേഷ് പ്രധാൻ പറഞ്ഞതായി ടൈംസ് ഓഫ് ഇന്ത്യ റിപ്പോര്‍ട്ട് ചെയ്തിട്ടുണ്ട്.
വീട്ടുകാര്‍ ചേര്‍ന്ന് ഉടൻ കുട്ടിയെ ആശുപത്രിയിലെത്തിച്ചെങ്കിലും രക്ഷിക്കാനായില്ല. വീട്ടുകാരുടേതായി പോലീസിൽ പരാതികളൊന്നും ലഭിച്ചിട്ടില്ല. അതിനാൽ കേസ് രജിസ്റ്റര്‍ ചെയ്തിട്ടില്ലെന്ന് ജഗൻഗിരാബാദ് പോലീസ് സ്റ്റേഷൻ എസ്ഐ അഖിലേഷ് പ്രധാൻ പറഞ്ഞതായി ടൈംസ് ഓഫ് ഇന്ത്യ റിപ്പോര്‍ട്ട് ചെയ്തിട്ടുണ്ട്.