ന്യൂഡൽഹി: മുൻ കോൺഗ്രസ് വക്താവ് ടോം വടക്കൻ വലിയ നേതാവൊന്നുമല്ലെന്ന് കോൺഗ്രസ് ദേശീയ അദ്ധ്യക്ഷൻ രാഹുൽ ഗാന്ധി. ടോം വടക്കൻ ബിജെപിയിൽ ചേർന്നതിനു പിന്നാലെയാണ് രാഹുലിന്റെ പ്രതികരണം. ഛത്തീസ്ഗഡിൽ തെരഞ്ഞെടുപ്പ് റാലിക്കിടെയായിരുന്നു രാഹുലിന്റെ പ്രതികരണം. കോൺഗ്രസ് ടിക്കറ്റിൽ തൃശ്ശൂരിൽനിന്നും മത്സരിക്കാനായിരുന്നു ടോം വടക്കന്റെ പദ്ധതി. അതിനുവേണ്ടി ചുവരെഴുത്തുകൾ വരെ ആരംഭിച്ചിരുന്നു. എന്നാൽ സീറ്റ് ലഭിക്കില്ലെന്ന് ഉറപ്പായതോടെയാണ് ടോം വടക്കൻ ബിജെപിയിൽ അംഗത്വമെടുത്തത്. പുൽവാമയിൽ ഭീകരർ ഇന്ത്യയെ ആക്രമിച്ചപ്പോൾ കോൺഗ്രസ് സ്വീകരിച്ച നിലപാടുകളാണ് തന്നെ ബിജെപിയിൽ ചേരാൽ പ്രേരിപ്പിച്ചതെന്ന് ടോം വടക്കൻ പറഞ്ഞിരുന്നു.
ഉപയോഗിച്ച് വലിച്ചെറിയുന്ന രീതിയാണ് കോൺഗ്രസ് സ്വീകരിക്കുന്നതെന്ന് ടോം വടക്കൻ കുറ്റപ്പെടുത്തി. കേന്ദ്ര മന്ത്രി രവിശങ്കർപ്രസാദിൽനിന്നാണ് ടോം വടക്കൻ ബിജെപി അംഗത്വം സ്വീകരിച്ചത്.
അതേസമയം, ടോം വടക്കൻ വലിയ നേതാവല്ലെങ്കിൽ ആരാണ് വലിയ നേതാവെന്ന് ബിജെപി എംപി രാകേഷ് സിൻഹ ചോദിച്ചു. വടക്കന്റെ ബിജെപി പ്രവേശനത്തിന് കോൺഗ്രസ് വക്താവ് രൺദീപ് സിങ് സുർജേവാല ആശംസകൾ അറിയിച്ചിട്ടുണ്ട്.
ഉപയോഗിച്ച് വലിച്ചെറിയുന്ന രീതിയാണ് കോൺഗ്രസ് സ്വീകരിക്കുന്നതെന്ന് ടോം വടക്കൻ കുറ്റപ്പെടുത്തി. കേന്ദ്ര മന്ത്രി രവിശങ്കർപ്രസാദിൽനിന്നാണ് ടോം വടക്കൻ ബിജെപി അംഗത്വം സ്വീകരിച്ചത്.
അതേസമയം, ടോം വടക്കൻ വലിയ നേതാവല്ലെങ്കിൽ ആരാണ് വലിയ നേതാവെന്ന് ബിജെപി എംപി രാകേഷ് സിൻഹ ചോദിച്ചു. വടക്കന്റെ ബിജെപി പ്രവേശനത്തിന് കോൺഗ്രസ് വക്താവ് രൺദീപ് സിങ് സുർജേവാല ആശംസകൾ അറിയിച്ചിട്ടുണ്ട്.