ചികിത്സാ രംഗത്തെ ചൂഷണം; പ്രമുഖ ആശുപത്രികള്‍ കുടുങ്ങും!

ഡല്‍ഹി: ചികിത്സാ രംഗത്തു നിലനില്‍ക്കുന്ന ചൂഷണത്തെ കുറിച്ച് പരാതി ലഭിച്ചതിനെ തുടര്‍ന്ന് രാജ്യത്തെ പ്രമുഖ ആശുപത്രികൾ നാഷണല്‍ ഫാര്‍മസ്യൂട്ടിക്കല്‍ പ്രൈസിങ് അതോറിറ്റിയുടെ നിരീക്ഷണത്തില്‍. ഹൃദ്രോഗ ചികിത്സക്കുപയോഗിക്കുന്ന സ്റ്റെന്‍റുകള്‍ക്ക് അമിത വില ഇൗടാക്കുന്നുവെന്നാണ് പ്രധാന ആരോപണം.

ആശുപത്രികള്‍ക്കെതിരെ നിയമ നടപടി സ്വീകരിച്ചേക്കുമെന്നാണ് റിപ്പോര്‍ട്ടുകള്‍. ആശുപത്രികളുടെ പേരു വിവരങ്ങള്‍ അതോറിറ്റിയുടെ ഒൗദ്യോഗിക ട്വിറ്റര്‍ അക്കൗണ്ടില്‍ കഴിഞ്ഞ ദിവസം നല്‍കിയിരുന്നു. മുംബൈയിലെ ലീലാവതി ഹോസ്പിറ്റല്‍, സാകേതിലെ മാക്സ് ഹോസ്പിറ്റല്‍, ഫരീദാബാദിലെ മെട്രോ ഹോസ്പിറ്റല്‍ തുടങ്ങി ഒട്ടേറെ ആശുപത്രികള്‍ നിരീക്ഷണത്തിലാണ്.

അതോറിറ്റിയുടെ ഹെല്‍പ്പ് ലൈന്‍ വഴിയാണ് പരാതികള്‍ ലഭിച്ചിരിക്കുന്നത്. പരാതികള്‍ സ്വീകരിക്കുന്നതിനും ഇന്‍ററാക്ഷനുകള്‍ക്കുമായി അതോറിറ്റി ഒരു ഫാര്‍മജന്‍ സംധാന്‍ എന്ന പേരില്‍ ഒരു ഒാണ്‍ലൈന്‍ പോര്‍ട്ടലും ആരംഭിച്ചിട്ടുണ്ട്. ആരോഗ്യ രംഗത്ത് നില നില്‍ക്കുന്ന ഇത്തരം ചൂഷണങ്ങള്‍ക്കെതിരെ ആരോഗ്യ വകുപ്പ് നടപടി സ്വീകരിക്കുന്നില്ലെന്ന ആരോപണവും ശക്തമാണ്.

Top hospitals under regulator’s lens for overcharging patients for stents-doing

Some of the country's most prestigious hospitals are under the scanner of the National Pharmaceutical Pricing Authority (NPPA) for allegedly overcharging patients for stents.