ഒരു ലക്ഷം കടന്ന് മഹാരാഷ്ട്രയിലെ കൊവിഡ് ബാധിതര്‍; ഇന്ന് മാത്രം 127 മരണം

മുംബൈ: ഒരു ലക്ഷം കടന്ന് മഹാരാഷ്ട്രയിലെ കൊവിഡ് ബാധിതര്‍. ഇന്ന് മാത്രം 3,493 പുതിയ കേസുകളാണ് സംസ്ഥാനത്ത് റിപ്പോര്‍ട്ട് ചെയ്തത്. ഇതോടെ ആകെ കൊവിഡ് കേസുകള്‍ 1,01,141 ആയി ഉയര്‍ന്നു.

Also Read: 'ജോളി വിളിച്ചത് മൊബൈലില്‍ നിന്നല്ല', തടവുകാര്‍ക്ക് ഫോണ്‍ ചെയ്യാനുള്ളത് പ്രത്യേക സംവിധാനം

ഈ സമയപരിധിയില്‍ 127 പേരാണ് മരിച്ചത്. ആകെ മരണസംഖ്യ 3,717 ആണ്. 47,793 പേര്‍ രോഗമുക്തി നേടി. ഇതില്‍ 1,18 പേരെ ഇന്ന് ഡിസ്ചാര്‍ജ് ചെയ്തു. അതേസമയം, രാജ്യത്ത് കൊവിഡ് സ്ഥിരീകരിച്ചവരുടെ എണ്ണം മൂന്ന് ലക്ഷം കടന്നു. വിവിധ സംസ്ഥാനങ്ങളില്‍ നിന്നുള്ള കൊവിഡ് കണക്കുകള്‍ പ്രകാരം, വെള്ളിയാഴ്ച 2903 പുതിയ കൊവിഡ് കേസുകളാണ് റിപ്പോര്‍ട്ട് ചെയ്തത്. ഇതോടെ, രോഗികളുടെ എണ്ണം 3,04,019 ആയി. 1,41,842 പേരാണ് നിലവില്‍ ചികിത്സയിലുള്ളത്.

Also Read: മാസ്‌ക് ധരിക്കാത്തതിന് പിഴ; ഒഡീഷ പോലീസ് നേടിയത് കോടികൾ, 9025 ഗാര്‍ഹിക പീഡന പരാതികള്‍

മഹാരാഷ്ട്രയില്‍ കൊവിഡ് കേസുകള്‍ ഉയരുന്നതിന്റെ സാഹചര്യത്തില്‍ വീണ്ടും അടച്ചിടല്‍ ഏര്‍പ്പെടുത്തുമെന്ന അഭ്യൂഹം ശക്തമായിരുന്നു. എന്നാല്‍, ഇക്കാര്യം ഉദ്ധവ് താക്കറെ നിഷേധിച്ചു. ജനങ്ങളോട് സാമൂഹിക അകലം പാലിക്കുന്നതുള്‍പ്പെടെയുള്ള മാര്‍ഗ നിര്‍ദേശങ്ങള്‍ കര്‍ശനമായി പാലിക്കണമെന്നും അദ്ദേഹം നിര്‍ദേശിച്ചു.