ചന്ദ്രയാൻ- 2 പ്രഗ്യാൻ റോവർ ചന്ദ്രോപരിതലത്തിൽ സഞ്ചരിച്ചെന്ന് കണ്ടെത്തൽ; പരിശോധിക്കുന്നെന്ന് ISRO

ന്യൂഡൽഹി: ഇന്ത്യയുടെ ചന്ദ്രയാൻ-2 ദൗത്യത്തിന്‍റെ ഭാഗമായുള്ള പ്രഗ്യാൻ റോവർ ചന്ദ്രോപരിതലത്തിൽ സഞ്ചരിച്ചെന്ന് ഐടി വിദഗ്ധൻ ഷൺമുഖ സുബ്രഹ്മണ്യം. നേരത്തെ വിക്രം ലാൻഡർ കണ്ടെത്താൻ ഐഎസ്ആർഒയെ സഹായിച്ച ചെന്നൈ സ്വദേശിയാണ് ഷൺമുഖ സുബ്രഹ്മണ്യം. ഇദ്ദേഹത്തിന്‍റെ പുതിയ അവകാശവാദവും ചർച്ചയാവുകയാണ്.

ചന്ദ്രോപരിതലത്തിൽ വിക്രം ലാൻഡർ ഇടിച്ചിറങ്ങിയത് കാരണം പുറത്തുവന്ന റോവർ മീറ്ററുകളോളം സഞ്ചരിച്ചെന്നും എന്നാൽ ഇടിച്ചിറങ്ങിയതിന്‍റെ ആഘാതത്തിൽ പേലോഡുകൾ പ്രവർത്തന രഹിതമാവുകയായിരുന്നെന്നുമാണ് സുബ്രഹ്മണ്യം ചൂണ്ടിക്കാട്ടുന്നത്. എന്നാൽ ഇക്കാര്യത്തിൽ ഐഎസ്ആർഒയുടെ വിശദീകരണമോ സ്ഥിരീകരണമോ ഇതുവരെയും വന്നിട്ടില്ല.

Also Read: കൊവിഡ് ബാധിച്ച് ഉത്തർപ്രദേശ് ടെക്നിക്കൽ എജുക്കേഷൻ വകുപ്പ് മന്ത്രി കമല റാണി വരുൺ അന്തരിച്ചു

റോവറിനെക്കുറിച്ച് നിരവധി ട്വീറ്റുകളിലായാണ് സുബ്രഹ്മണ്യം പുതിയ കണ്ടെത്തൽ പുറത്തുവിട്ടിരിക്കുന്നത്. നാസയുടെ സോഫ്റ്റ്‍വെയ‍ർ ഉപയോഗിച്ചാണ് പ്രഗ്യാൻ റോവറിന്‍റെ ചലനങ്ങൾ ഇദ്ദേഹം നിരീക്ഷിക്കാൻ ആരംഭിച്ചത്. പുതിയ കണ്ടെത്തലുകൾ നാസയുമായും ഐഎസ്ആർഒയുമായും പങ്കുവെച്ചിട്ടുണ്ട്. ഇവരുടെ പ്രതികരണത്തിനായി കാത്തിരിക്കുകയാമണെന്നും ഷൺമുഖ സുബ്രഹ്മണ്യം ഇന്ത്യാ ടുഡേയോട് പ്രതികരിച്ചു.

Also Read: അയോധ്യയിലെ ഭൂമിപൂജ; ഒടുവിൽ അദ്വാനിയും മുരളീ മനോഹര്‍ ജോഷിയും വീഡിയോ കോണ്‍ഫറന്‍സിലൂടെ പങ്കെടുക്കും

ഷൺമുഖ സുബ്രഹ്മണ്യനിൽ നിന്ന് തങ്ങൾക്ക് വിവരങ്ങൾ ലഭിച്ചിട്ടുണ്ടെന്നും വിദഗ്ധർ ഇത് വിശകലനം ചെയ്യുന്നുണ്ടെന്നും ഐഎസ്ആർഒ ചെയർമാൻ കെ ശിവൻ വാർത്താ ഏജൻസി ഐ‌എ‌എൻ‌എസിനോട് പ്രതികരിച്ചു. കമാൻഡുകൾ ലാൻഡറിലേക്ക് ദിവസങ്ങളോളം അന്ധമായി അയച്ചിരിക്കാമെന്നും അദ്ദേഹം കൂട്ടിച്ചേർത്തു. ലാൻഡറിന് കമാൻഡുകൾ ലഭിക്കുകയും റോവറിൽ റിലേ ചെയ്യുകയും ചെയ്യാനുള്ള സാധ്യതയുണ്ടെങ്കിലും ലാൻഡറിന് അതേ ഭൂമിയിലേക്ക് ആശയവിനിമയം നടത്താൻ കഴിഞ്ഞില്ലെന്ന് ഐഎസ്ആർഒ മേധാവി പറഞ്ഞു.