രാജസ്ഥാനിൽ വിവാഹ സംഘത്തിന്‍റെ ബസ് പുഴയിലേക്ക് മറിഞ്ഞ് വൻ ദുരന്തം; 24 പേർ മരിച്ചു

ജയ്പൂർ: രാജസ്ഥാനിൽ വിവാഹ സംഘം സഞ്ചരിച്ച സ്വകാര്യ ബസ് പുഴയിലേക്ക് മറിഞ്ഞ് വൻ അപകടം. ബസിലുണ്ടായിരുന്ന 24പേരാണ് സംഭവത്തിൽ മരിച്ചത്. രാജസ്ഥാനിലെ ബൂന്ദി ജില്ലയിലാണ് സംഭവം. മരിച്ചവരിൽ 10 സ്ത്രീകളും മൂന്ന് കുട്ടികളും ഉൾപ്പെടുന്നുണ്ട്. 10 പേർ സ്ഥലത്ത് വെച്ച് തന്നെ മരിച്ചിരുന്നു.

കോട്ട ദൗസ മേഗ ഹൈവേയിലാണ് അപകടം ഉണ്ടായത്. ലേക്ഹാരി നഗരത്തിൽ മേജ് നദിയിലേക്കാണ് ബസ് മറിഞ്ഞത്. ബസിൽ 28 യാത്രികരാണ് ഉണ്ടായിരുന്നതെന്നാണ് റിപ്പോർട്ടുകൾ വ്യക്തമാക്കുന്നത്.
പരിക്കേറ്റ നില അതീവ ഗുരുതരമാണ്. ഇവരെ സമീപത്തെ ആശുപത്രിയിലേക്ക് കൊണ്ടുപോയി.

Also Read: മരണസംഖ്യ ഉയരുന്നു; പുറത്തുവിട്ടത് 4 പേരുടെ വിവരങ്ങൾ; ഇന്നലെ രാത്രി സംഭവിച്ചത്




ബസ് നിയന്ത്രണം വിട്ട് പാലത്തിന്‍റെ മുകളിൽ നിന്ന് താഴേക്ക് മറിയുകയായിരുന്നെന്ന് ലേഖാരി പോലീസ് സബ് ഇൻസ്പെക്ടർ രാജേന്ദ്ര കുമാർ പറഞ്ഞു. പാലത്തിന് കൈവരികൾ ഉണ്ടായിരുന്നില്ലെന്നും ഉദ്യോഗസ്ഥൻ വ്യക്തമാക്കി.