ട്രെയിന്‍ ട്രക്കിലിടിച്ച് ലോക്കോ പൈലറ്റ് മരിച്ചു

ഫിറോസ്പുര്‍: പഞ്ചാബില്‍ സിമന്റ് മിക്‌സര്‍ ഘടിപ്പിച്ച ട്രക്കില്‍ ട്രെയിനിടിച്ച് ലോക്കോ പൈലറ്റ് മരിച്ചു. ഉത്തര്‍പ്രദേശ് സ്വദേശിയായ വികാസാണ് മരിച്ചത്. ട്രക്ക് ഡ്രൈവര്‍ അപകടത്തില്‍ നിന്ന് കഷ്ടിച്ച് രക്ഷപ്പെട്ടു. ട്രെയിന്‍ യാത്രക്കാരില്‍ ആര്‍ക്കും പരിക്കില്ല.

ഫിറോസ്പുര്‍ - ഫസില്‍ക റെയില്‍ സെക്ഷനില്‍ സുഖേര ഗ്രാമത്തിന് അടുത്തുവച്ച് ഞായറാഴ്ച്ച രാവിലെയാണ് അപകടം നടന്നത്. അപകടത്തില്‍ ​ ട്രെയിന്‍ ​എന്‍ജിനും ട്രക്കും പൂര്‍ണ്ണമായും തകര്‍ന്നു. ഫിറോസ്പൂരില്‍നിന്ന് ഫസില്‍കയിലേക്ക് പോയ ട്രെയിനാണ് ഫസില്‍കയിലെ ലധുക മണ്ടിയില്‍ വച്ച് അപകടത്തില്‍പ്പെട്ടത്.

റെയില്‍വേ ക്രോസിങില്‍ നിന്ന് തത്സമയം ട്രക്ക് മാറ്റാന്‍ ‍ഡ്രൈവര്‍ക്ക് കഴിയാതിരുന്നതാണ് അപകടത്തിനു കാരണമായത്. ​ലോക്കോ പൈലറ്റ് തത്സമയം മരിച്ചു. രക്ഷപ്പെട്ട ട്രക്ക് ഡ്രൈവര്‍ ഒളിവിലാണ്.

Train collides with truck near Ladhuka Mandi, loco pilot dies on spot

At least seventy passengers had a narrow escape after a short distance train (DMU 74971) traveling from Ferozepur to Fazilka collided with a cement mixing tipper stationed on the tracks near Ladhuka Mandi in district Fazilka of Punjab Sunday morning.