വ്യോമസേന വിമാനം തകർന്നുവീണു; വനിതാ പൈലറ്റ് പരിക്കുകളോടെ രക്ഷപ്പെട്ടു

ഹൈദരാബാദ്: തെലങ്കാനയിലെ സിദ്ധിപ്പേട്ടിൽ വ്യോമസേനയുടെ പരിശീലന വിമാനം തകർന്നുവീണു. വിമാനം പറത്തിയിരുന്ന വനിതാ പൈലറ്റ് ചെറിയ പരിക്കുകളോടെ രക്ഷപ്പെട്ടു. എച്ച്എഎൽ കിരൺ പരിശീലന വിമാനമാണ് അപകടത്തില്‍പ്പെട്ടത്.

ഹക്കിംപേട്ട് വ്യോമസേനാ താവളത്തിൽനിന്ന് പറന്നുയർന്ന വിമാനം അടിയന്തര ലാൻഡിങ്ങിനു ശ്രമിച്ചെങ്കിലും നടന്നില്ല. ഇതേത്തുടർന്നാണ് ഇടിച്ചിറക്കിയത് . വിമാനത്തിന്‍റെ സാങ്കേതിക തകരാറാണ് വിമാനം തകരാനുളള കാരണമെന്നാണ് അധികൃതര്‍ പറയുന്നത്.

ഇൗ മാസം രണ്ടാം തവണയാണ കിരണ്‍ എയര്‍ ക്രാഫ്റ്റ് അപകടത്തില്‍പ്പെടുന്നത്.