ത്രിപുരയിൽ ബിജെപി തന്നെ, സിപിഎം 11 സീറ്റിലൊതുങ്ങും, എക്സിറ്റ് പോൾ പ്രവചനം

ന്യൂഡൽഹി: ത്രിപുരയിൽ ബിജെപി തന്നെ. നടക്കാനിരിക്കുന്ന ത്രിപുര നിയമസഭ തെരഞ്ഞെടുപ്പിൽ ബിജെപി അധികാരം നിലനിർത്തുമെന്ന് ഇന്ത്യാ ടുഡേ - ആക്‌സിസ് പോള്‍ സര്‍വെ. 36 മുതല്‍ 45 സീറ്റ് വരെ ലഭിക്കുമെന്നാണ് ഇന്ത്യാ ടുഡേ - ആക്‌സിസ് പോള്‍ സർവ്വെ വ്യക്തമാക്കുന്നത്. തിപ്ര മോദ 9 മുതൽ 16 വരെ സീറ്റുകൾ നേടുമെന്നും സിപിഎം- കോൺഗ്രസ് സഖ്യം 6 മുതൽ 11 വരെ സീറ്റുകൾ നേടുമെന്നും എക്സിറ്റ് പോൾ ഫലം പ്രവചിക്കുന്നു.

Also Read: ഇതെന്താണെന്ന് കസ്റ്റംസ്, കുട്ടികളുടെ കളിപ്പാട്ടമെന്ന് അഷറഫ്, തുറന്നപ്പോൾ കണ്ടത്... സ്വർണ്ണം ഒളിപ്പിച്ചത് ഈ സ്ഥലത്ത്!!

കഴിഞ്ഞ തവണ 16 സീറ്റുകളായിരുന്നു സിപിഎം നേടിയിരുന്നത്. ഇത്തവണ വോട്ട് വിഹിതം ഇടിയുമെന്നാണ് എക്സിറ്റ് പോൾ ഫലങ്ങൾ ചൂണ്ടിക്കാട്ടുന്നത്. കഴിഞ്ഞ തവണ 42 ശതമാനമായിരുന്നു വോട്ടുവിഹിതം. ഇത്തവണ അത് 32 ശതമാനമായി കുറയുമെന്നാണ് പ്രവചനം. കോൺഗ്രസും സിപിഎമ്മും സഖ്യമായി മത്സരിച്ചിട്ടും കാര്യമുണ്ടാകില്ലെന്നാണ് ചൂണ്ടിക്കാട്ടപ്പെടുന്നത്. പ്രത്യുദ് ദേബ് ബർമ്മന്റെ തിപ്രമോദ പാർട്ടി ത്രിപുരയിൽ പ്രധാന സാന്നിധ്യമായി മാറുകയാണ്.

സീ ന്യൂസ് മാട്രൈസ് ഏക്സ്റ്റ് പോൾ പ്രവചിക്കുന്നത് ബിജെപിക്ക് 29 മുതൽ 36 സീറ്റുകൾ ലഭിക്കുമെന്നാണ്. ഇടതുപക്ഷത്തിന് 13 മുതൽ 21 സീറ്റുകൾ ലഭിക്കുമെന്ന് പ്രവചിക്കുമ്പോൾ തിപ്ര മോദ പാർട്ടി ഒരു സീറ്റ് പോലും ലഭിക്കില്ലെന്നാണ് സീ ന്യൂസ് മാട്രൈസ് ഏക്സ്റ്റ് പോൾ പ്രവചിക്കുന്നത്. ബിജെപിക്ക് 24 സീറ്റുകൾ ലഭിക്കുമെന്നാണ് ടൈംസ് നൗ- ഇടിജി റിസർച്ച് എക്സിറ്റ് പോൾ പ്രവചനം. ഇടതുപക്ഷത്തിന് 21 സീറ്റും ടിഎംപിക്ക് 14 സീറ്റും മറ്റുള്ളവർക്ക് ഒരു സീറ്റും പ്രവചിക്കുന്നു.

Also Read: കുംഭ ചൂടിനെ വക വയ്ക്കാതെ തൂക്കവും കെട്ടുകാഴ്ചയും, ക്ഷേത്രവും പരിസരവും കാഴ്‌ച്ചക്കണ്ടവും ഭക്തരെകൊണ്ട്‌ നിറഞ്ഞു, ഏഴംകുളം ദേവീക്ഷേത്രത്തിൽ കെട്ടുത്സവത്തിന് തുടക്കം

തിപ്ര മോദ പാർട്ടി ബിജെപിയുടെ വോട്ടിൽ വിള്ളലുണ്ടാക്കുമെന്നാണ് കരുതിയിരുന്നത്. എന്നാൽ പ്രതിപക്ഷത്തിന്റെ വോട്ടാണ് തിപ്ര മോദ പാർട്ടി പിടിക്കുക എന്ന സൂചനയാണ് എക്സിറ്റ് പോൾ ഫലം നൽകുന്നത്. 2018 ല്‍ അപ്രതീക്ഷിതമായി അധികാരത്തിലെത്തുകയായിരുന്നു ബിജെപി. എൻ ഡി എ 60 ല്‍ 44 സീറ്റ് നേടിയാണ് അധികാരത്തില്‍ എത്തിയിരുന്നത്.

Read Latest National News and Malayalam News