ത്രിപുര ഉള്‍പ്പെടെ മൂന്നിടങ്ങളില്‍ വോട്ടെണ്ണല്‍ തുടങ്ങി ; ബിജെപി മുന്നേറ്റം

അഗര്‍ത്തല: ത്രിപുര, മേഘാലയ, നാഗാലാന്‍ഡ് എന്നീ സംസ്ഥാനങ്ങളിലേക്കു നടന്ന നിയമസഭാ തിരഞ്ഞെടുപ്പിന്റെ വോട്ടെണ്ണല്‍ ആരംഭിച്ചു. രാവിലെ എട്ടു മണിയോടെയാണ് മൂന്നു സംസ്ഥാനങ്ങളിലെയും വോട്ടുകള്‍ എണ്ണിത്തുടങ്ങിയത്. മൂന്നിടങ്ങളിലും ബിജെപി ലീഡ് തുടരുകയാണ്.

ഉച്ചക്കു മുന്‍പായി മൂന്ന് സംസ്ഥാനങ്ങളിലെയും ഫലം സംബന്ധിച്ച സമ്പൂര്‍ണ ചിത്രം ലഭിക്കും. ത്രിപുരയിൽ 15 സീറ്റുകളിൽ ഇടതുപക്ഷവും 11 സീറ്റിൽ ബിജെപിയും ലീഡ് ചെയ്യുന്നു. നാഗാലാൻഡിൽ 12 സീറ്റുകളിലാണ് ബിജെപിയുടെ മുന്നേറ്റം.

എൻപിഎഫ് മൂന്നു സീറ്റുകളിൽ ലീഡ് ചെയ്യുന്നു. മേഘാലയയിൽ എൻപിപി എട്ടു സീറ്റിലും കോൺഗ്രസ് ഏഴിലും ലീഡ് ചെയ്യുന്നു.മൂന്നിടങ്ങളിലുമായി ആകെ 55 ലക്ഷം വോട്ടർമാരാണുളളത്. രാജ്യത്തിന്റെ തിരഞ്ഞെടുപ്പു ചരിത്രത്തിൽ ആദ്യമായി ഇടതുപക്ഷവും ബിജെപിയും നേർക്കുനേർ ഏറ്റുമുട്ടുന്ന കാഴ്ച്ചയാണ് ത്രിപുരയില്‍.