ഹൈദരാബാദ്: ദേശീയ പാര്ട്ടി പ്രഖ്യാപനത്തിന് മുന്നോടിയായി തെലങ്കാനയില് മദ്യവും കോഴിയും വിതരണം ചെയ്ത് ടിആര്എസ് നേതാവ്. തെലങ്കാനയിലെ ഈസ്റ്റ് വാറങ്കലിലെ തൊഴിലാളികള്ക്കാണ് ടിആര്എസ് നേതാവ് രാജനല ശ്രീഹരി മദ്യക്കുപ്പികളും കോഴിയും വിതരണം ചെയ്തത്. മദ്യവിതരണത്തിന്റെ ദൃശ്യങ്ങള് പുറത്ത് വന്നതോടെ സംഭവം വിവാദമാവുകയും ചെയ്തു.
തെലങ്കാന രാഷ്ട്രസമിതി നേതാക്കളായ കെ ചന്ദ്രശേഖര റാവുവിന്റെയും കെടി രാമറാവുവിന്റെയും കൂറ്റന് കട്ടൗട്ടുകള്ക്ക് മുന്നില് നിന്ന് രാജനല ശ്രീഹരി മദ്യവും കോഴിയും വിതരണം ചെയ്യുന്നത് ദൃശ്യങ്ങളില് കാണാം. മദ്യവും കഴിയും കൈപ്പറ്റാന് തൊഴിലാളികളുടെ നീണ്ട നിരയാണ് കാത്തുനില്ക്കുന്നത്. ഏകദേശം 200 കുപ്പി മദ്യവും 200 കോഴികളേയുമാണ് വിതരണം ചെയ്തത്.
Read Latest National News and Malayalam News
ദസറ ദിവസമായ ബുധനാഴ്ച ദേശീയ പാര്ട്ടി പ്രഖ്യാപനം നടത്താന് ഒരുങ്ങുകയാണ് കെസിആര്. തെലങ്കാന ഭവനില് ടിആര്എസിന്റെ ജനറല് ബോഡി യോഗം വിളിച്ചിട്ടുണ്ട്. ഡല്ഹിയില് ഒക്ടോബര് ഒമ്പതിന് പൊതുസമ്മേളനം നടത്താനും തീരുമാനമായിട്ടുണ്ട്.