മുംബൈ: രാജ്യത്തിന്റെ പിതാവിന് ജന്മദിനാശംസകൾ എന്ന് ട്വീറ്റ് ചെയ്തതിനെ തുടർന്ന് പുലിവാല് പിടിച്ച് മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്നാവിസിന്റെ ഭാര്യ അമൃത ഫഡ്നാവിസ്. പ്രധാനമന്ത്രി നരേന്ദ്ര മോദിയുടെ 69 ാം ജന്മദിനമായ ഇന്നലെയാണ് അമൃത ജന്മദിനാശംസ നേർന്ന് ട്വീറ്റ് ചെയ്തത്. അമൃത ഫഡ്നാവിസിന്റെ ട്വീറ്റിനെതിരെ നിരവധി പേർ വിമർശനവുമായെത്തി. സമൂഹത്തിന്റെ നന്മക്കായി കഠിനപ്രയത്നം ചെയ്യാൻ നമുക്ക് പ്രചോദനം നൽകുന്ന രാജ്യത്തിന്റെ പിതാവിന് ജന്മദിനാശംസകൾ എന്നായിരുന്നു അമൃതയുടെ ട്വീറ്റ്. മോദിയെ രാഷ്ട്രപിതാവായി ചിത്രീകരിക്കാനുള്ള ശ്രമമാണിതെന്നും അത് പരാജയപ്പെടുത്തുമെന്നും എൻസിപി വക്താവ് നവാബ് മാലിക് പ്രതികരിച്ചു. മുൻപ് ഖാദി ഗ്രാമോദ്യോഗ് കലണ്ടറിൽ നിന്ന് മഹത്മാഗാന്ധിയുടെ ചിത്രം ഒഴിവാക്കി നരേന്ദ്ര മോദിയുടെ ചിത്രം നൽകിയതിനെതിരെ വിമർശനമുയർന്നിരുന്നു.
രാഷ്ട്രപിതാവ് ആരെന്ന് അറിയുമോ, അത് മഹത്മാഗാന്ധിയാണെന്നും മോദി എപ്പോഴാണ് രാജ്യത്തിന്റെ പിതാവായതെന്നും നിരവധി പേർ ട്വിറ്ററിൽ അമൃതയുടെ ട്വീറ്റിന് മറുപടിയായി ചോദിച്ചു. പ്രധാനമന്ത്രിക്ക് ജന്മദിനാശംസ നേർന്നു കൊണ്ടുള്ള വീഡിയോ സഹിതമാണ് അമൃത ഫഡ്നാവിസ് ട്വീറ്റ് ചെയ്തത്. അമിത് ഷായുടെ ഹിന്ദി വാദത്തിന് പിന്നാലെ മോദിയെ രാജ്യത്തിന്റെ പിതാവായി ചിത്രീകരിച്ചുകൊണ്ടുള്ള ട്വീറ്റ് വലിയ വിവാദമായിരിക്കുകയാണ്.
രാഷ്ട്രപിതാവ് ആരെന്ന് അറിയുമോ, അത് മഹത്മാഗാന്ധിയാണെന്നും മോദി എപ്പോഴാണ് രാജ്യത്തിന്റെ പിതാവായതെന്നും നിരവധി പേർ ട്വിറ്ററിൽ അമൃതയുടെ ട്വീറ്റിന് മറുപടിയായി ചോദിച്ചു. പ്രധാനമന്ത്രിക്ക് ജന്മദിനാശംസ നേർന്നു കൊണ്ടുള്ള വീഡിയോ സഹിതമാണ് അമൃത ഫഡ്നാവിസ് ട്വീറ്റ് ചെയ്തത്. അമിത് ഷായുടെ ഹിന്ദി വാദത്തിന് പിന്നാലെ മോദിയെ രാജ്യത്തിന്റെ പിതാവായി ചിത്രീകരിച്ചുകൊണ്ടുള്ള ട്വീറ്റ് വലിയ വിവാദമായിരിക്കുകയാണ്.