ഗോവ മന്ത്രിസഭയില്‍ നിന്ന് രണ്ടു മന്ത്രിമാര്‍ രാജിവെച്ചു

പനാജി: ഗോവ മന്ത്രിസഭയില്‍ നിന്ന് രണ്ടു മന്ത്രിമാര്‍ രാജിവെച്ചു. നഗര വികസന മന്ത്രിയായ ഫ്രാന്‍സിസ് ഡിസൂസയും വൈദ്യുതി മന്ത്രി പാണ്ഡുരംഗ് മാട്കൈക്കറുമാണ് മന്ത്രിസഭയില്‍ നിന്ന് രാജിവെച്ചത്.

അസുഖ ബാധിതരായി ഇരുവരും ചികിത്സയിയലായിരുന്നു. ഫ്രാന്‍സിസ് ഡിസൂസ അമേരിക്കയിലും പാണ്ഡുരംഗ് മാട്കൈക്കര്‍ മുംബൈയിലും ചികിത്സയില്‍ കഴിയുകയാണ്.

ആരോഗ്യ പ്രശ്നങ്ങളെ തുടര്‍ന്ന് ചികിത്സയില്‍ കഴിയുന്ന മനോഹര്‍ പരീക്കര്‍ തന്നെ ഗോവ മുഖ്യമന്ത്രിയായി തുടരുമെന്ന് ബിജെപി ദേശീയ അധ്യക്ഷന്‍ അമിത് ഷാ ഇന്നലെ പറഞ്ഞിരുന്നു. എന്നാല്‍ മന്ത്രിസഭയിലെ അഴിച്ചുപണികളെ കുറിച്ച് ആലോചിക്കുന്നുണ്ടെന്നും ഷാ വ്യക്തമാക്കിയിരുന്നു. ഇതിന്‍റെ ഭാഗമാണ് ഇരുവരുടെയും രാജിയെന്നാണ് വിവരം.

ഇരുവര്‍ക്കും പകരം ബിജെപി എംഎല്‍എമാരായ നിലേഷ് കബ്രാള്‍, മിലിന്‍ നായിക് എന്നിവര്‍ മന്ത്രിമാരാകും.