അതിര്‍ത്തിയില്‍ ഏറ്റുമുട്ടല്‍: 2 പാക് സൈനികർ കൊല്ലപ്പെട്ടു

ജമ്മുകശ്‍മീര്‍: നിയന്ത്രണ രേഖയിൽ പാകിസ്‍ഥാന്‍ സൈന്യം വെടി നിർത്തൽ കരാർ വീണ്ടും ലംഘിച്ചു. ഇ്നന്ത്യന്‍ സൈന്യവുമായി ഉണ്ടായ ഏറ്റുമുട്ടലിൽ രണ്ട് പാക് സൈനികർ കൊല്ലപ്പെട്ടു. രജൗരി, പൂഞ്ച് ജില്ലകളിലായി മൂന്നു തവണ പാക് സൈന്യം വെടി നിർത്തൽ കരാർ ലംഘിച്ചു.

ഇന്ത്യൻ സൈനിക പോസ്​റ്റുകൾക്ക്​ നേ​രെയും സാധാരണക്കാർക്ക്​ നേരെയും പാക്​ ​സൈന്യം വെടിയുതിർക്കുകയും മോട്ടോര്‍ ബോംബാക്രമണം നടത്തുകയും ചെയ്തതായി സൈനിക വൃത്തങ്ങൾ അറിയിച്ചു.

നാലു ദിവസത്തിനി​ടെ പത്താം തവണയാണ്​ നിയന്ത്രണ രേഖയിൽ വെടി നിർത്തൽ കരാർ ലംഘിക്കപ്പെട്ടത്​. ആക്രമണത്തിൽ ഇന്ത്യ ശക്​തമായി തിരിച്ചടിച്ചു. ഏറ്റുമുട്ടൽ ഇപ്പോഴും തുടരുകയാണ്.

Two Pak army men killed