കൈക്കൂലിയായി നൽകിയ 2000 രൂപയുടെ നോട്ടുകൾ പിടിച്ചു

അഹമ്മദാബാദ്: നോട്ടു നിരോധനം രാജ്യം മുഴുവൻ കടുത്ത പ്രതിസന്ധി സൃഷ്ടിക്കുന്നതിനിടയിൽ ഗുജറാത്തിലെ രണ്ടു പോർട്ട് ട്രസ്റ്റ് ഉദ്യോഗസ്ഥർ കൈക്കൂലി വാങ്ങിയതിന് അറസ്റ്റിലായി. 2.9 ലക്ഷം രൂപയുടെ 2000 രൂപയുടെ പുതിയ നോട്ടുകളാണ് ഇവർ കൈക്കൂലിയായി വാങ്ങിയത്.

പുതിയ 2000 രൂപ നോട്ടുകൾ കർശന നിയന്ത്രണങ്ങളോടെ മാത്രം ജനങ്ങളിലേക്കെത്തിക്കാൻ ശ്രമിക്കുമ്പോൾ ഇത്രയും നോട്ടുകൾ ഒരുമിച്ച് എങ്ങനെ ലഭ്യമായി എന്നത് സംശയമുളവാക്കുന്നു. ഇലക്‌ട്രിക്കൽ കമ്പനിയുടെ പരാതിയെ തുടർന്ന് ഇടനിലക്കാരനെ അധികൃതർ കുടുക്കിയതോടെയാണ് ഉദ്യോഗസ്ഥർ പിടിയിലായത്. ഒരു ഉദ്യോഗസ്ഥന്‍റെ വീട്ടിൽ നിന്നും 40,000 രൂപ കണ്ടെടുത്തു. കൈക്കൂലിയായി ലഭിച്ച പണമാണിതെന്നു ഇയാൾ അന്വേഷണോദ്യോഗസ്ഥരോട് സമ്മതിച്ചു.

Two port trust officers arrested for bribe; all new notes of 2000