ഷോപ്പിയാനില്‍ ഏറ്റുമുട്ടല്‍: രണ്ട് തീവ്രവാദികളെ സൈന്യം വെടിവെച്ചുകൊന്നു

ന്യൂഡല്‍ഹി: സുരക്ഷാ സേനയുമായുണ്ടായ ഏറ്റുമുട്ടലില്‍ രണ്ട് തീവ്രവാദികള്‍ കൊല്ലപ്പെട്ടു. ജമ്മു കശ്മീരിലെ ഷോപ്പിയാന്‍ ജില്ലയിലാണ് ഏറ്റുമുട്ടലുണ്ടായത്. സൈനനികനീക്കം ഇപ്പോഴും നടന്നുകൊണ്ടിരിക്കുകയാണെന്ന് റിപ്പോര്‍ട്ടുകള്‍ സൂചിപ്പിക്കുന്നു.

Also Read: മുൻ രഞ്ജി താരം ജയമോഹന്‍ തമ്പിയുടെ കൊലപാതകം; മകൻ അശ്വിൻ അറസ്റ്റിൽ

സെന്‍ട്രല്‍ റിസര്‍വ് പോലീസ് ഫോഴ്‌സ്, രാഷ്ട്രീയ റൈഫിള്‍സ് ആന്റ് ദി സ്‌പെഷ്യല്‍ ഓപറേഷന്‍സ് ഗ്രൂപ്പ് എന്നിവര്‍ നടത്തിയ സംയുക്ത പരിശോധനയ്ക്കിടെയാണ് തീവ്രവാദികള്‍ വെടിയുതിര്‍ത്തതെന്ന് പോലീസ് പറഞ്ഞു.


പ്രദേശത്ത് തീവ്രവാദികളുടെ സാന്നിധ്യം ലഭിച്ചതിനു ശേഷം ഇന്ന് രാവിലെ ഷോപ്പിയാനില്‍ സൈന്യം വളഞ്ഞ് പരിശോധന നടത്തുകയായിരുന്നു. കഴിഞ്ഞ നാലു ദിവസങ്ങള്‍ക്കിടയില്‍ ഇത് മൂന്നാമത്തെ ഏറ്റമുട്ടലാണ്. ഞായറാഴ്ചയും തിങ്കളാഴ്ചയും ഒമ്പത് ഹിസ്ബുള്‍ മുജാഹിദ്ദീന്‍ തീവ്രവാദികളെ സുരക്ഷാ സൈന്യം വെടിവെച്ചു കൊന്നിരുന്നു.