ആധാർ നമ്പർ പരസ്യപ്പെടുത്തരുതെന്ന് യുഐഡിഎഐ മുന്നറിയിപ്പ്

ന്യൂഡൽഹി: ആധാര്‍ നമ്പര്‍ പരസ്യപ്പെടുത്തരുതെന്ന് യുണിക് ഐഡന്റിഫിക്കേഷന്‍ അതോറിറ്റി ഓഫ് ഇന്ത്യ (യു.ഐ.ഡി.എ.ഐ)യുടെ) മുന്നറിയിപ്പ്. സാമൂഹ്യ മാധ്യമങ്ങളിലും മറ്റും ആധാര്‍ നമ്പര്‍ പരസ്യപ്പെടുത്തുന്നത് നിയമവിരുദ്ധമാണെന്നാണ് അറിയിപ്പ്.

മറ്റൊരാളുടെ ആധാർ നമ്പർ ഇടപാടുകൾക്ക് ഉപയോഗിക്കുന്നത് നിമയമവിരുദ്ധമാണെന്നും യുഐഡിഎഐ വ്യക്തമാക്കി. ടെലികോം റെഗുലേറ്ററി അതോറിറ്റി ഓഫ് ഇന്ത്യ (ട്രായ്) ചെയര്‍മാന്‍ ആര്‍.എസ് ശര്‍മ ആധാര്‍ നമ്പര്‍ വെളിപ്പെടുത്തിയിരുന്നു. ഇദ്ദേഹത്തിൻെറ അക്കൗണ്ട് പിന്നീട് ഹാക്ക് ചെയ്യപ്പെടുകയും ചെയ്തു. ഇതിന് ശേഷമാണ് യുഐഡിഎഐ മുന്നറിയിപ്പ് വന്നിരിക്കുന്നത്.