അക്ഷര്‍ധാം ക്ഷേത്രത്തിനടുത്ത് പോലീസിന് നേരെ അജ്ഞാതസംഘം വെടിയുതിര്‍ത്തു

ന്യൂഡല്‍ഹി: ഡല്‍ഹിയില്‍ അക്ഷര്‍ധാം ക്ഷേത്രത്തിനടുത്ത് പോലീസിനുനേരെ അജ്ഞാതസംഘം വെടിയുതിര്‍ത്തു. നാലംഗ സംഘമാണ് വെടി വെച്ചതെന്ന് പോലീസ് പറഞ്ഞു. ഞായറാഴ്‍ച രാവിലെ 10.45നാണ് സംഭവം.

കാര്‍ നിര്‍ത്താന്‍ പോലീസ് ആവശ്യപ്പെട്ടപ്പോഴാണ് സംഘം വെടിയുതിര്‍ത്തത്. പോലീസ് തിരിച്ച് വെടിവെച്ചപ്പോള്‍ സംഘം കാറില്‍ കടന്നുകളഞ്ഞു. സംഘത്തെ ഗീതാ കോളനി ഫ്ലൈ ഓവര്‍ വരെ പോലീസ് പിന്തുടര്‍ന്നെങ്കിലും പിടികൂടാനായില്ല. കാറും കണ്ടെത്താനായിട്ടില്ല.

സംഭവത്തില്‍ ആര്‍ക്കും പരിക്കേറ്റതായി റിപ്പോര്‍ട്ടില്ല.

സംഘത്തെ തിരിച്ചറിഞ്ഞിട്ടുണ്ടെന്നും മോഷ്ടാക്കളാണെന്ന് സംശയിക്കുന്നതായും ഈസ്റ്റ് ഡല്‍ഹി പോലീസ് പറഞ്ഞു. അക്ഷര്‍ധാം മെട്രോ സ്റ്റേഷനടുത്ത് ടാക്സി ഡ്രൈവര്‍മാരെന്ന് പറഞ്ഞെത്തി ആളുകളില്‍ നിന്ന് പിടിച്ചുപറി നടത്തുന്നവരാണ് ഇവരെന്നും സംശയിക്കുന്നതായും പോലീസ് പറഞ്ഞു.