ജൂലൈ മാസത്തോടെ 30 കോടി പേർക്ക് കൊവിഡ് വാക്സിൻ; പ്രഖ്യാപിച്ച് കേന്ദ്ര ആരോഗ്യമന്ത്രി

ന്യൂഡൽഹി: 2021 ജൂലൈ മാസത്തോടെ രാജ്യത്തെ 25 - 30 കോടിയോളം പേര്‍ക്ക് കൊവിഡ് വാക്സിൻ നല്‍കുമെന്ന് കേന്ദ്ര ആരോഗ്യമന്ത്രി ഹര്‍ഷ് വര്‍ധൻ. ജൂലൈ - ഓഗസ്റ്റ് മാസങ്ങളോടെ 30 കോടിയോളം ഡോസ് പൊതുജനങ്ങള്‍ക്ക് വിതരണം ചെയ്യാനാണ് കേന്ദ്രസര്‍ക്കാര്‍ പദ്ധതിയിടുന്നത്.

അടുത്ത വര്‍ഷം ആദ്യ മൂന്ന് നാല് മാസങ്ങളിൽ തന്നെ വാക്സിൻ ജനങ്ങളിലേയ്ക്ക് എത്തിക്കാൻ സാധിക്കുമെന്നും ജൂലൈ - ഓഗസ്റ്റ് മാസങ്ങളോടെ 25 മുതൽ 30 കോടി വരെ ആളുകള്‍ക്ക് വാക്സിൻ നല്‍കാൻ സാധിക്കുമെന്നും കേന്ദ്രമന്ത്രി വ്യക്തമാക്കി. മാധ്യമങ്ങളോടു സംസാരിക്കുമ്പോഴായിരുന്നു അദ്ദേഹം കണക്കുകള്‍ വിശദീകരിച്ചത്.

Also Read: പിഡബ്ല്യൂസിയെ വിലക്കി സംസ്ഥാന സര്‍ക്കാര്‍; ഐടി പദ്ധതികളിൽ സ്ഥാപനത്തിന് രണ്ട് വര്‍ഷത്തെ വിലക്ക്

എല്ലാവരും കൊവിഡ് 19 നിയന്ത്രണമാര്‍ഗങ്ങളായ മാസ്കും സാമൂഹിക അകലവും പാലിക്കാൻ ഓര്‍മിക്കണമെന്നും ഇത് ആരോഗ്യത്തിന് പ്രധാനമാണെന്നും കേന്ദ്രമന്ത്രി പറഞ്ഞു. കൊവിഡിനെതിരെ രാജ്യം നടത്തുന്ന പോരാട്ടം ഉടൻ തന്നെ 11 മാസം പൂര്‍ത്തിയാക്കുമെന്നും എല്ലാവരും സ്വന്തം സുരക്ഷയ്ക്കും മറ്റുള്ളവരുടെ സുരക്ഷയ്ക്കുമായി അടിസ്ഥാനപരമായ കാര്യങ്ങള്‍ ശ്രദ്ധിക്കണമെന്നും ആരോഗ്യമന്ത്രി പറഞ്ഞു. കൊവിഡിനെതിരായ പോരാട്ടത്തിൽ ഏറ്റവും വലിയ ആയുധം മാസ്കും സാനിറ്റൈസറുമാണെന്നും അദ്ദഹം പറഞ്ഞു. ലോകത്തു തന്നെ ഏറ്റവുമധികം രോഗമുക്തി നിരക്കുള്ളത് ഇന്ത്യയിലാണെന്നും അദ്ദേഹം കൂട്ടിച്ചേര്‍ത്തു.

Also Read: തൃശൂരിൽ വിജയിച്ചത് സുരേഷ് ഗോപിയുടെ ഈ തന്ത്രം! ആവർത്തിച്ച് കുമ്മനവും പത്മജയും; സംഭവം 'കിടുക്കും!'

"2020 ജനുവരിയിൽ ഒരു ലാബ് മാത്രമാണ് ഉണ്ടായിരുന്നതെങ്കിൽ ഇപ്പോള്‍ രാജ്യത്ത് 2165 ലാബുകളുണ്ട്. പ്രതിദിനം പത്ത് ലക്ഷത്തിലധികം പേര്‍ക്ക് കൊവിഡ് പരിശോധനകള്‍ നടത്തുന്നു. ഇതിനോടകം മൊത്തം 14 കോടി കൊവിഡ് പരിശോധനകള്‍ നടത്തിക്കഴിഞ്ഞു. ഇത് സര്‍ക്കാരിൻ്റെ പ്രതിജ്ഞാബദ്ധതയും കൊവിഡ് പോരാളികള്‍ വിശ്രമമില്ലാത്ത പോരാട്ടവുമാണ് കാണിക്കുന്നത്." അദ്ദേഹം പറഞ്ഞു.

പ്രധാനമന്ത്രി നരേന്ദ്ര മോദിയുടെ കീഴിൽ ഇന്ത്യ മാസ്കുകള്‍, പിപിഇ കിറ്റുകള്‍, വെൻ്റിലേറ്ററുകള്‍ തുടങ്ങിയവയുടെ ഉത്പാദനത്തിൽ സ്വയംപര്യാപ്തത കൈവരിച്ചെന്നും പ്രതിദിനം രാജ്യത്ത് പത്ത് ലക്ഷത്തോളം പിപിഇ കിറ്റുകള്‍ ഉത്പാദിപ്പിക്കുന്നുണ്ടെന്നും അദ്ദേഹം പറഞ്ഞു. രാജ്യത്തെ ശാസ്ത്രജ്ഞര്‍ കൊവിഡ് 19 വാക്സിൻ ഉടൻ തന്നെ ലഭ്യമാക്കാൻ പ്രയത്നിക്കുകയാണെന്നും അദ്ദേഹം പറഞ്ഞു.