കേന്ദ്രമന്ത്രി സമൃതി ഇറാനിക്ക് കൊവിഡ്

ന്യൂഡല്‍ഹി: കേന്ദ്ര മന്ത്രി സ്മൃതി ഇറാനിക്ക് കൊവിഡ് രോഗബാധ സ്ഥിരീകരിച്ചു. അമേഠിയിലെ എംപിയായ ഇവർ താനുമായി സമ്പര്‍ക്കത്തിൽ വന്നവരോട് കൊവിഡ് പരിശോധനയ്ക്ക് വിധേയരാകണമെന്നും നിര്‍ദ്ദേശിച്ചു. മന്ത്രി തന്നെ ട്വിറ്ററിലൂടെയാണ് ഇക്കാര്യം പറഞ്ഞത്.

Also Read : നിയന്ത്രണങ്ങൾക്ക് ഇളവ്; ഷാർജയിൽ പരിപാടികള്‍ ഹോളുകളിലലും ഹോട്ടലുകളിലും നടത്തുവാന്‍ അനുമതി

ട്വീറ്റ് ഇങ്ങനെ,

ഒരു പ്രഖ്യാപനം നടത്തുന്നതിന് മുൻപ് വാക്കുകള്‍ക്ക് വേണ്ടി തിരയുന്നത് എന്നേ സംബന്ധിച്ച് വളരെ അപൂര്‍വമായ ഒന്നാണ്. അതിനാൽ ലളിതമായി തന്നെ പറയുന്നു. എനിക്ക് കൊവിഡ് സ്ഥിരീകരിച്ചു. ഞാനുമായി സമ്പര്‍ക്കത്തിലേർപ്പെട്ടവ‍ർ എത്രയും വേഗം കൊവിഡ് പരിശോധന നടത്താൻ അഭ്യര്‍ത്ഥിക്കുന്നു.

Also Read : നിങ്ങളുടെ പാസ്‍പോര്‍ട്ടില്‍ ഇനി മുതല്‍ യുഎഇ വിലാസം ചേര്‍ക്കാം; പക്ഷേ, ഒരു നിബന്ധനയുണ്ട്

കഴിഞ്ഞ കുറച്ചു ദിവസങ്ങളായി ബിജെപിയുടെ ബിഹാർ നിയമസഭാ തെരഞ്ഞെടുപ്പ് പ്രചാരണത്തിൽ ഇറാനി സജീവമായി പങ്കെടുത്തിരുന്നു. ഗോപാൽഗഞ്ച്, നതൻ, കല്യാൺപൂർ, ദിഘ, വാരിസ്ലീഗഞ്ച്, ബോധ് ഗയ, ഷാപ്പൂർ നിയോജകമണ്ഡലങ്ങളിൽ അണിനിരന്ന നിരവധി പ്രചാരണ പരിപാടികളിൽ അവർ പ്രസംഗിച്ചിരുന്നു.

ഇന്നലെ മറ്റൊരു കേന്ദ്രമന്ത്രി റാംദാസ് അഠാവ്ലെയ്ക്കും കൊവിഡ് സ്ഥിരീകരിച്ചിരുന്നു. അദ്ദേഹം മുംബൈയിലെ സ്വകാര്യ ആശുപത്രിയിൽ ചികിത്സയിലാണുള്ളത്. കൊവിഡ് റിപ്പോര്‍ട്ട് ചെയ്ത ഫെബ്രുവരി മാസത്തിൽ ഗോ കൊറോണ, കൊറോണ ഗോ എന്നിങ്ങ ചെല്ലി പ്രാര്‍ഥന സംഘടിപ്പിച്ചത് അദ്ദേഹത്തിന്റെ നേതൃത്വത്തിലുള്ള സംഘമായിരുന്നു.

Also Read : അബുദാബി ഖലീഫ സിറ്റിയിൽ പുതിയ ലുലു ഹൈപ്പര്‍മാര്‍ക്കറ്റ്; കൊവിഡ് 'തരണം ചെയ്‍ത്' എം എ യൂസഫലി

പിന്നീട്, നിരവധി കേന്ദ്ര മന്ത്രിമാര്‍ക്കും സംസ്ഥാന മുഖ്യമന്ത്രിമാര്‍ക്കും കൊവിഡ് രോഗബാധ കണ്ടെത്തിയിരുന്നു. കേന്ദ്രമന്ത്രിമാരായ അമിത് ഷാ, നിതിൻ ഗഡ്കരി, ധര്‍മേന്ദ്ര പ്രധൻ തുടങ്ങിയവര്‍ക്കും രോഗം സ്ഥിരീകരിച്ചിരുന്നു.