ലഖ്നൗ: ഉത്തര്പ്രദേശിലെ ഗോലയിൽ മുൻ പ്രധാനമന്ത്രി ഇന്ദിരാ ഗാന്ധിയുടെ പ്രതിമ അജ്ഞാതര് കറുത്ത തുണികൊണ്ട് മൂടി. സംഭവത്തിൽ പ്രതിഷേധവുമായി കോൺഗ്രസ് പ്രവര്ത്തകര് രംഗത്തുവന്നിട്ടുണ്ട്. ഇന്ന് രാവിലെയാണ് ഇന്ദിരാ ഗാന്ധിയുടെ പ്രതിമ കറുത്ത തുണികൊണ്ട് മൂടിയത് പ്രദേശവാസികള് കണ്ടത്. സംഭവം അറിഞ്ഞതിനെ തുടര്ന്ന് മുതിര്ന്ന കോൺഗ്രസ് നേതാക്കള് സ്ഥലത്തെത്തി പ്രതിമ മൂടിയ തുണിമാറ്റി. സ്ഥലത്ത് പ്രതിഷേധം നടത്തുകയും ചെയ്തു.
പോലീസിൻ്റെ അനാസ്ഥയാണ് സംഭവത്തിന് കാരണമായതെന്ന് കോൺഗ്രസ് നേതാക്കൾ ആരോപിച്ചു. രാജ്യത്തിന് വേണ്ടി ഒരുപാട് കാര്യങ്ങൾ ചെയ്ത പ്രധാനമന്ത്രിയെ അപമാനിക്കാൻ ബിജെപി പ്രവർത്തകരാണ് ശ്രമിച്ചതെന്നും സംഭവം പോലീസ് ശക്തമായി അന്വേഷിക്കണമെന്നും യുപി കോൺഗ്രസ് അധ്യക്ഷൻ അൻഷു അവാസ്തി ആവശ്യപ്പെട്ടു. അതേസമയം വിശദമായ അന്വേഷണം ആരംഭിച്ചുവെന്ന് മുതിര്ന്ന പോലീസ് ഉദ്യോഗസ്ഥര് വ്യക്തമാക്കി.
പോലീസിൻ്റെ അനാസ്ഥയാണ് സംഭവത്തിന് കാരണമായതെന്ന് കോൺഗ്രസ് നേതാക്കൾ ആരോപിച്ചു. രാജ്യത്തിന് വേണ്ടി ഒരുപാട് കാര്യങ്ങൾ ചെയ്ത പ്രധാനമന്ത്രിയെ അപമാനിക്കാൻ ബിജെപി പ്രവർത്തകരാണ് ശ്രമിച്ചതെന്നും സംഭവം പോലീസ് ശക്തമായി അന്വേഷിക്കണമെന്നും യുപി കോൺഗ്രസ് അധ്യക്ഷൻ അൻഷു അവാസ്തി ആവശ്യപ്പെട്ടു. അതേസമയം വിശദമായ അന്വേഷണം ആരംഭിച്ചുവെന്ന് മുതിര്ന്ന പോലീസ് ഉദ്യോഗസ്ഥര് വ്യക്തമാക്കി.