അൺലോക്ക് 4: നാലാം ഘട്ടത്തിൽ അടഞ്ഞു കിടക്കുന്നതും മാറ്റമില്ലാതെ തുടരുന്നതും ഇവ

ന്യൂഡൽഹി: രാജ്യത്ത് അൺലോക്ക് നാലാംഘട്ട മാർഗനിർദേശങ്ങൾ കേന്ദ്ര ആഭ്യന്തര മന്ത്രാലയം പുറത്ത് വിട്ടിരിക്കുകയാണ്. രാജ്യത്ത് പ്രതിദിന കൊവിഡ് കേസുകൾ 76,000 കടന്ന ദിവസമാണ് കൂടുതൽ ഇളവുകളോടെ നാലാംഘട്ട അൺലോക്ക് പ്രഖ്യാപിച്ചത്. മെട്രോ ട്രെയിൻ സർവീസും നിയന്ത്രണങ്ങളോടെ രാഷ്ട്രീയ സാഹൂമിക യോഗങ്ങൾക്കും അനുമതി നൽകിയിട്ടുണ്ടെങ്കിലും സ്കൂളുകൾ ഉൾപ്പെടെ മറ്റ് പല മേഖലകളും ഈ ഘട്ടത്തിലും അടഞ്ഞ് കിടക്കും. പുതിയ മാർഗ നിർദേശപ്രകാരം മാറ്റമില്ലാതെ തുടരുന്നവയും അടഞ്ഞു കിടക്കുന്നവയും ഏതൊക്കെയാണെന്ന് നോക്കാം.

കണ്ടെയ്മെന്‍റ് സോണുകളിൽ നാലാംഘട്ടത്തിലും ലോക്ക് ഡൗൺ കർശനമായി തുടരും. സെപ്റ്റംബർ 30വരെ ഈ നിബന്ധനയിൽ മാറ്റമുണ്ടാകില്ല.

Also Read: അൺലോക്ക് 4 മാർഗനിർദേശങ്ങൾ പുറത്ത്; മെട്രോ ട്രെയിനുകൾ ഓടും; നിർദേശങ്ങൾ ഇങ്ങനെ

സ്കൂളുകൾ, കോളേജുകൾ തുടങ്ങിയ വിദ്യാഭ്യാസ സ്ഥാപനങ്ങളും കോച്ചിങ് ഇൻസ്റ്റിറ്റ്യൂഷനുകളും അടഞ്ഞ് കിടക്കും. സെപ്റ്റംബർ 30 വരെ റെഗുലർ ക്ലാസുകൾ ഉണ്ടായിരിക്കില്ല.

സംസ്ഥാനത്തിന് അകത്തെ യാത്രകൾക്കും അന്തർ സംസ്ഥാന യാത്രകൾക്കും ഒരു തരത്തിലുള്ള നിയന്ത്രണങ്ങളും പാടില്ല. ചരക്ക് വാഹനങ്ങൾക്കും യാത്രാവാഹനങ്ങൾക്കും പ്രത്യേക അനുമതി വാങ്ങേണ്ടതില്ല.

കണ്ടെയ്ൻമെന്‍റ് സോണുകൾക്ക് പുറത്തും സിനിമാ തീയേറ്ററുകൾ, സ്വിമ്മിങ് പൂൾ, വിനോദ പാർക്കുകൾ, ഓപ്പൺ എയർ തീയേറ്ററുകൾക്ക് പുറമെയുള്ള എല്ലാ തീയേറ്ററുകളും ഈ ഘട്ടത്തിലും അടഞ്ഞ് കിടക്കും.

Also Read: 2137 സമ്പര്‍ക്ക കേസുകൾ; നിരീക്ഷണത്തിലുള്ളവരുടെയും സമ്പർക്ക കേസുകളുടെയും വിശദാംശങ്ങൾ

65 വയസിന് മുകളിൽ പ്രായമുള്ളവ‍ർ, ഗർഭിണികൾ, പത്ത് വയസിന് താഴെ പ്രായമുള്ള കുട്ടികൾ എന്നിവർ ഈ ഘട്ടത്തിലും വീട്ടിൽ തുടരണം. അത്യാവശ്യ കാര്യങ്ങൾക്കോ ആരോഗ്യപരമായ ആവശ്യങ്ങൾക്കോ അല്ലാതെ പുറത്തിറങ്ങുന്നത്.