'പിന്നാലെ നടന്ന് ശല്യം'; യുപിയിലെ ജില്ലാ കോൺഗ്രസ് അധ്യക്ഷനെ സ്ത്രീകൾ എടുത്തിട്ടിടിച്ചു

ലഖ്നൗ: ഫോണിൽ വിളിക്കുകയും നിരന്തരം ശല്യപ്പെടുത്തുന്നുവെന്നും ആരോപിച്ച് യുപിയിലെ ജലാവ് ജില്ലാ കോൺഗ്രസ് അധ്യക്ഷൻ അനൂജ് മിശ്രയെ രണ്ട് സ്ത്രീകൾ ചേർന്ന് മർദ്ദിച്ചു. ശനിയാഴ്ച ഒറായിലെ റെയിൽവെ സ്റ്റേഷൻ റോഡിലാണ് സംഭവം നടന്നത്. ഇതിന്റെ ദൃശ്യങ്ങൾ സമൂഹമാധ്യമങ്ങളിൽ വൈറലാണ്.

Also Read: ബംഗാളില്‍ മരത്തിൽ തൂങ്ങി നില്‍ക്കുന്ന നിലയിൽ ബിജെപി പ്രവര്‍ത്തകന്‍റെ മൃതദേഹം ; ഒരു മാസത്തിനിടെ മൂന്നാമത്തെ സംഭവം

അനൂജ് തങ്ങളെ ഫോണിൽ വിളിച്ച് നിരന്തരം ശല്യപ്പെടുത്താറുണ്ടെന്ന് യുവതികളായ മായ, വർഷ എന്നിവർ പറഞ്ഞു. യുപി കോൺഗ്രസ് അധ്യക്ഷൻ അജയ്കുമാർ ലല്ലുവിനോട് പരാതിപ്പെട്ടെങ്കിലും യാതൊരു നടപടിയും ഉണ്ടായില്ലെന്ന് ഇവർ പറഞ്ഞു.

Also Read: 'ലൗ ജിഹാദ് വേണ്ട'; മിശ്രവിവാഹങ്ങള്‍ 'നിയന്ത്രിക്കാൻ' വിവാദനീക്കവുമായി യുപി സര്‍ക്കാര്‍

തുടർന്ന് പോലീസിൽ പരാതി നൽകി. എന്നാൽ നടപടിയുണ്ടായില്ല. ഇതോടെയാണ് മിശ്രയെ വിളിച്ചുവരുത്തി യുവതികൾ മർദ്ദിച്ചത്. ഇതല്ലാതെ മറ്റൊന്നും ചെയ്യാൻ കഴിയുമായിരുന്നില്ലെന്നാണ് യുവതികൾ പറയുന്നത്. സംഭവത്തിൽ യുപിയിലെ കോൺഗ്രസ് നേതാക്കൾ പ്രതികരിച്ചിട്ടില്ല.