ദൈവത്തെ അപമാനിച്ചു; യുപിയില്‍ ദളിത് യുവാവിനു മര്‍ദ്ദനം

മുസാഫര്‍നഗര്‍: ദൈവത്തെ അപമാനിച്ചുവെന്നാരോപിച്ച് യുപിയില്‍ മൂന്നംഗം സംഘം ദളിത് യുവാവിനെ കെട്ടിയിട്ട് മര്‍ദ്ദിച്ചു. മുസാഫര്‍നഗറില്‍ കഴിഞ്ഞ ഞായറാഴ്ച്ചയാണ് സംഭവം. മുസഫര്‍ നഗര്‍ സ്വദേശിയായ വിപിന്‍ കുമാറാണ് (22) മര്‍ദ്ദനത്തിനിരയായത്.

യുവാവിനെ മര്‍ദ്ദിക്കുന്ന ദൃശ്യങ്ങള്‍ സോഷ്യല്‍ മീഡിയയില്‍ വൈറലായിരിക്കുകയാണ്. നിലത്ത് കിടക്കുന്ന യുവാവിനെ വടിക്കൊണ്ട് അടിക്കുകയും 'ജയ് മാതാ ദീ' എന്ന് വിളിക്കാന്‍ ആവശ്യപ്പെടുകയും ചെയ്യുന്നതിന്‍റെ ദൃശ്യങ്ങള്‍ അക്രമി സംഘം തന്നെയാണ് പുറത്തുവിട്ടത്.

പ്രദേശത്തെ ഗുജ്ജര്‍ മേഖലയിലുളള ഹിന്ദു വാഹിനി എന്ന ഗ്രൂപ്പില്‍പ്പെട്ടവരാണ് ആക്രമത്തിന് പിന്നിലെന്നും പ്രതികളെ ഉടന്‍ പിടികൂടുമെന്നും മുസഫര്‍ നഗര്‍ എസ്പി ഓംവീര്‍ സിങ് പറഞ്ഞു.

മര്‍ദ്ദനത്തിനിരയായ വിപിന്‍ കുമാര്‍ ആശുപത്രിയില്‍ ചികിത്സയിലാണ്. ഹെല്‍മറ്റ് ധാരിച്ച യുവാവിനെ സംഘം മര്‍ദ്ദിക്കുന്ന ദൃശ്യങ്ങളാണ് വൈറലായിരിക്കുന്നത്.