ലഷ്‍കര്‍ ഭീകരനായ യുപി സ്വദേശി പിടിയില്‍

ലക്നൗ: ലഷ്‍കര്‍ ഇ തൊയ്‍ബ ഭീകരസംഘത്തിലെ അംഗമായ യുവാവിനെ ഉത്തര്‍പ്രദേശില്‍നിന്ന് കശ്‍മീര്‍ പോലീസ് പിടികൂടി. യുപിയിലെ മുസഫര്‍നഗറിലുള്ള നയി മണ്ടിയി സ്വദേശിയായ സന്ദീപ് ശര്‍മ എന്ന ആദില്‍ ആണ് ഞായറാഴ്‍ച കശ്‍മീര്‍ പോലീസിന്‍റെ പിടിയിലായത്.

കഴിഞ്ഞ ജൂണില്‍ ദക്ഷിണ കശ്‍മീരില്‍ ഇയാള്‍ മൂന്നുതവണ ഭീകരാക്രമണം നടത്തിയിട്ടുണ്ടെന്ന് പോലീസ് പറഞ്ഞു. ജൂണ്‍ 16ന് ആറ് പോലീസുകാര്‍ കൊല്ലപ്പെട്ട ആക്രമണവും ഇതില്‍പ്പെടും. ശര്‍മയ്‍ക്കൊപ്പം കുല്‍ഗാം സ്വദേശിയായ മുനീബ് ഷാ എന്നയാളെയും കസ്റ്റഡിയിലെടുത്തിട്ടുണ്ട്. ഒരു ലഷ്‍കര്‍ കമാന്‍ഡറുടെ കീഴില്‍ പ്രവര്‍ത്തിച്ചുവരികയായിരുന്ന ഇരുവരുംകൂടി ഈ വര്‍ഷം കശ്‍മീരില്‍ ആറ് ഭീകരാക്രമണങ്ങളെങ്കിലും നടത്തിയിട്ടുണ്ടാകാമെന്നാണ് പോലീസ് പറയുന്നത്.

ഭീകരപ്രവര്‍ത്തനത്തിനായി ശര്‍മ വിവിധ എടിഎമ്മുകള്‍ കുത്തിത്തുറന്ന് പണം മോഷ്‍ടിച്ചിട്ടുണ്ട്. വിവരമറിഞ്ഞ് യുപി പോലീസിന്‍റെ ഭീകരവിരുദ്ധ വിഭാഗം കശ്‍മീരിലേക്ക് തിരിച്ചിട്ടുണ്ട്.

UP youth arrested for terror strikes in Jammu and Kashmir

A youth from Nai Mandi locality of Muzaffarnagar who was missing for four years was arrested by Jammu and Kashmir police on Sunday for being part of Lashkar terror module.