നോട്ട് നിരോധനം: പാര്‍ലമെന്‍ററി സമിതി ഊര്‍ജിത് പട്ടേലിനെ ചോദ്യം ചെയ്യും

മുംബൈ: കേന്ദ്ര സര്‍ക്കാരിന്‍റെ നോട്ട് നിരോധനം അന്വേഷിക്കുന്ന പാര്‍ലമെന്‍ററി കമ്മിറ്റി, റിസര്‍വ് ബാങ്ക് ഗവര്‍ണര്‍ ഊര്‍ജിത് പട്ടേലിനെ ചോദ്യം ചെയ്യും. നോട്ട് നിരോധനവുമായി ബന്ധപ്പെട്ട് ആര്‍ബിഐ ഗവര്‍ണര്‍ക്ക് കമ്മിറ്റി ചോദ്യാവലി അയച്ചു നല്‍കിയിരുന്നു.

ജനുവരി 20ന് ഇത് സംബന്ധിച്ചുള്ള ഉത്തരങ്ങള്‍ നല്‍കാന്‍ ഊര്‍ജിത് പട്ടേല്‍ നേരിട്ട് എത്താനാണ് പാര്‍ലമെന്‍ററി സമിതിയുടെ നിര്‍ദേശം. എങ്ങനെയാണ് നോട്ട് നിരോധനം നടപ്പിലാക്കിയതെന്നും ഈ തീരുമാനത്തില്‍ എത്തിയതെന്നും ഊര്‍ജിത് പട്ടേല്‍ വിവരിക്കണമെന്ന് പബ്ലിക് അക്കൗണ്ട്സ് കമ്മിറ്റി ആവശ്യപ്പെട്ടു.

രാജ്യത്തിന്‍റെ സമ്പദ്‍വ്യവസ്ഥയില്‍ എങ്ങനെയാണ് ഈ തീരുമാനം പ്രതിഫലിക്കുന്നത് എന്നും വിവരിക്കണമെന്ന് പിഎസി ചെയര്‍മാന്‍ കെ വി തോമസ് ആവശ്യപ്പെട്ടു.

Urjit Patel to face questions from Parliamentary Committee

Parliamentary committee, probing the government's decision to scrap high-value bank notes, has sent RBI governor a list of questions on the demonetisation process and asked him to appear before it on Jan. 20.