മദ്യം വില്‍ക്കാൻ സ്ത്രീകളുടെ പേര്; പുലിവാലു പിടിച്ച് മന്ത്രി

മഹാരാഷ്ട്ര: മദ്യത്തിന്‍റെ വില്‍പ്പന കൂട്ടാൻ ബ്രാന്‍ഡിന്‍റെ പേര് സ്ത്രൈണതയുള്ളതാക്കിയാല്‍ മതിയെന്ന് മഹാരാഷ്ട്ര മന്ത്രി ഗിരീഷ് മഹാജന്‍. ഒരു പൊതുവേദിയില്‍ പ്രസംഗത്തിനിടെയാണ് മന്ത്രി ഇത്തരത്തില്‍ പ്രസ്താവിച്ചത്.

മദ്യത്തിന്‍റെ വില്‍പ്പന കുറയുകയാണെന്ന് ചില കമ്പനികള്‍ പരാതിപ്പെടുന്നുണ്ട്. പൗരുഷമുള്ള പേരുകള്‍ക്ക് പകരം സ്ത്രൈണതയുള്ള പേരുകള്‍ ഉപയോഗിച്ചാല്‍ അത് പരിഹരിക്കാനാവുമെന്നാണ് അദ്ദേഹം പ്രസംഗിച്ചത്. മഹാരാജ എന്ന പേരിലുള്ള മദ്യം മഹാറാണി എന്നാക്കി നോക്കൂ എന്നാണ് അദ്ദേഹം ഉദാഹരണമായി പറഞ്ഞത്. മദ്യം മാത്രമല്ല, പുകയിലയും ഇത്തരത്തില്‍ പേര് മാറ്റിയാല്‍ കച്ചവടം കൂടുമെന്നും ഗിരീഷ് മഹാജന്‍ പറഞ്ഞു. എന്തായാലും പ്രസ്താവന വിവാദമായതോടെ മന്ത്രി ഇപ്പോള്‍ പുലിവാല് പിടിച്ചിരിക്കുകയാണ്.

Feminine brand names will help increasing liquor sale, says minister.