സുപ്രീം കോടതിയില്‍ ഹരീഷ് റാവത്തിന്‍റെ കവിയറ്റ് ഹര്‍ജി

ഉത്തരാഖണ്ഡില്‍ രാഷ്ട്രപതി ഭരണം റദ്ദാക്കിയ ഹൈക്കോടതി വിധിക്കെതിരെ മുഖ്യമന്ത്രി ഹരീഷ് റാവത്ത് സുപ്രീം കോടതിയിലെത്തി. തന്‍റെ വാദം കൂടി കേട്ടശേഷമേ കേന്ദ്രത്തിന്‍റെ അപേക്ഷയില്‍ ഉത്തരവ് നല്‍കാവൂവെന്ന് കാണിച്ചാണ് കോടതിയില്‍ ഹരീഷ് റാവത്ത് കവിയറ്റ് ഹര്‍ജി നല്‍കിയത്. ഹൈക്കോടതിയിലെ തിരിച്ചടിയില്‍ കേന്ദ്രസര്‍ക്കാര്‍ വെള്ളിയാഴ്ച സുപ്രീം കോടതിയെ സമീപിച്ചേക്കുമെന്ന സൂചനയെ തുടര്‍ന്നാണ് അടിയന്തരമായി കവിയറ്റ് സമര്‍പ്പിച്ചത്.

രാഷ്ട്രപതി ഭരണം റദ്ദാക്കിയ ഉത്തരാഖണ്ഡില്‍ ഈ മാസം 29ന് വിശ്വാസ വോട്ടെടുപ്പ് നടത്തണമെന്നും ഹൈക്കോടതി ഉത്തരവിട്ടിട്ടുണ്ട്. 71 അംഗ നിയമസഭയില്‍ വിമതര്‍ അടക്കം കോണ്‍ഗ്രസിന് 36 എം.എല്‍.എമാരാണുള്ള്. സസ്പെന്‍ഷനില്‍ കഴിയുന്ന ഒന്പത് വിമതര്‍ക്ക് വോട്ടുചെയ്യാന്‍ അവകാശമില്ല. ഭരണഘാടന അനുഛേദം 356 പ്രകാരം മാര്‍ച്ച്‌ 27നാണ് രാഷ്ട്രപതി ഭരണം ഏര്‍പ്പെടുത്തിയത്.