വരുണ്‍ഗാന്ധി പ്രതിരോധരഹസ്യങ്ങൾ ചോര്‍ത്തിയെന്ന് ആരോപണം

ബി.ജെ.പി. എം.പി. വരുണ്‍ഗാന്ധി പ്രതിരോധ ഇടപാടുകളുടെ ഇടനിലക്കാരന്‍ അഭിഷേക് വര്‍മയ്ക്കും ആയുധക്കടത്തുകാര്‍ക്കും പ്രതിരോധരഹസ്യങ്ങള്‍ ചോര്‍ത്തിക്കൊടുത്തുവെന്ന് ആരോപണം.
സ്ത്രീകളെ ഉപയോഗിച്ച്‌ കുടുക്കില്‍പ്പെടുത്തിയാണ് ഇദ്ദേഹത്തില്‍ നിന്ന് വിവരങ്ങള്‍ ചോര്‍ത്തിയതെന്നാണ് ആരോപണം.

ഇക്കാര്യം വെളിപ്പെടുത്തി ന്യൂയോര്‍ക്കിലുള്ള അഭിഭാഷകനായ എഡ്മണ്ട്സ് അലെന്‍ പ്രധാനമന്ത്രിയുടെ ഓഫീസിന് കഴിഞ്ഞമാസം കത്തെഴുതിയതായാണ് ആരോപണം. ഇടനിലക്കാരന്‍ വര്‍മയുടെ പങ്കാളിയായിരുന്നു അലെന്‍.

പ്രതിരോധകാര്യങ്ങള്‍ ചര്‍ച്ചചെയ്യുന്ന ഡിഫന്‍സ് കണ്‍സള്‍ട്ടേറ്റീവ് കമ്മിറ്റി അംഗമാണ് വരുണ്‍. എന്നാല്‍ ആരോപണം വരുണ്‍ പൂര്‍ണമായും നിഷേധിച്ചു.
എഡ്മണ്ട്സ് അലെന്‍ പ്രധാനമന്ത്രിയുടെ ഓഫീസിന് കഴിഞ്ഞമാസം എഴുതിയ കത്തും വാര്‍ത്താസമ്മേളനത്തില്‍ പുറത്തുവിട്ടു.