മോദിയുടെ വിദേശയാത്രകള്‍ സമ്പദ്‍വ്യവസ്ഥ ശക്തിപ്പെടുത്താൻ: വെങ്കയ്യ നായിഡു

പ്രധാനമന്ത്രി നരേന്ദ്ര മോദിയുടെ വിദേശയാത്രകള്‍ക്കെതിരെ ആരോപണം നടത്തുന്ന പ്രതിപക്ഷത്തിന് കേന്ദ്ര മന്ത്രി വെങ്കയ്യ നായിഡുവിന്റെ മറുപടി. മോദിയുടെ വിദേശയാത്രകള്‍ ആഭ്യന്തര വികസന വിദേശനയത്തിന്റെ ഭാഗമാണ്. മന്‍മോഹന്‍ സിങ് പ്രധാനമന്ത്രിയായിരുന്നപ്പോള്‍ 75 രാജ്യങ്ങള്‍ സന്ദര്‍ശിച്ചിരുന്നു. മോദിയുടെ പ്രവര്‍ത്തനങ്ങള്‍ രാജ്യത്തിന്റെ സമ്പദ്‍വ്യവസ്ഥ ശക്തിപ്പെടുത്താനും മറ്റുമേഖലകളിലും വളര്‍ച്ചയ്ക്ക് സഹായിച്ചുവെന്നും വെങ്കയ്യ നായിഡു അവകാശപ്പെട്ടു.
മോദിയുടെ ശബ്ദം രാജ്യാന്തരതലത്തില്‍ ഉയര്‍ന്നു കേള്‍ക്കുന്നു. ഇപ്പോള്‍ അദ്ദേഹം ലോകത്തെ മുന്‍നിരയിലുള്ള പത്ത് നേതാക്കളില്‍ ഒരാളാണ്.