കാലിത്തീറ്റ കുംഭകോണ കേസ്: ലാലുവിനെതിരായ വിധി ഇന്ന്

റാഞ്ചി: ബിഹാർ മുൻ മുഖ്യമന്ത്രി ലാലു പ്രസാദ് യാദവ് കുറ്റക്കാരനെന്ന് കണ്ടെത്തിയ കാലിത്തീറ്റ കുംഭകോണ കേസ് വിധി ഇന്ന്. ലാലു ഉൾപ്പടെ കുറ്റക്കാരാണെന്ന് കണ്ടെത്തിയ രണ്ടാമത്തെ കേസിലാണ് ഇന്ന് വിധി വരുന്നത്. സംഘർഷ സാധ്യത കണക്കിലെടുത്ത് റാഞ്ചിയിൽ പോലീസ് സുരക്ഷ ശക്തമാക്കി.

റാഞ്ചിയിലെ ബിർസാ മുണ്ഡ സെൻട്രൽ ജയിലിൽ കഴിയുന്ന ലാലുവിനെയും കൂട്ടുപ്രതികളെയും വിധി പ്രസ്താവം കേൾക്കാൻ ഇന്ന് കോടതിയിൽ ഹാജരാക്കും. ലാലുവിനും കൂട്ടുപ്രതികൾക്കും എതിരെ അഴിമതി നിരോധനനിയമം, ഇന്ത്യൻ ശിക്ഷാനിയമത്തിലെ ഗൂഢാലോചന, തട്ടിപ്പ് തുടങ്ങിയ കുറ്റങ്ങൾ തെളിഞ്ഞതായി റാഞ്ചി സിബിഐ പ്രത്യേക ജഡ്‌ജി ശിവപാൽ സിങ് കണ്ടെത്തിയിരുന്നു. കുംഭകോണവുമായി ബന്ധപ്പെട്ടുള്ള അഞ്ച് കേസുകളിൽ ലാലു പ്രതിയാണ്. എന്നാൽ ലാലുവിനെതിരെയുള്ളത് രാഷ്ട്രീയ ഗൂഢാലോചനയാണെന്ന് ആർജെഡിയും കോൺഗ്രസും ആരോപിച്ചു.