മുതിര്‍ന്ന കോണ്‍ഗ്രസ് നേതാവ് ആര്‍.കെ ധവാന്‍ നിര്യാതനായി

ഡല്‍ഹി: മുതിര്‍ന്ന കോണ്‍ഗ്രസ് നേതാവ് ആര്‍കെ ധവാന്‍ നിര്യാതനായി. 81 വയസായിരുന്നു. ഇന്ദിരാ ഗാന്ധിയുടെ വിശ്വസ്ഥൻ എന്ന നിലയിൽ ആര്‍‌കെ ധവാന്‍ ശ്രദ്ധേയനാണ്. ജീന്ദര്‍ കുമാര്‍ ധവാന്‍ എന്ന ആര്‍ കെ ധവാന്‍ ഇന്ദിരാഗാന്ധി വധത്തിലെ ദൃക്‌സാക്ഷി കൂടിയായിരുന്നു. മുന്‍ കേന്ദ്രമന്ത്രി കൂടിയായിരുന്നു ആര്‍ കെ ധവാന്‍. ഡല്‍ഹിയിലെ ബി എല്‍ കപൂര്‍ ആശുപത്രിയില്‍ വെച്ച്‍ വൈകുന്നേരം ഏഴ് മണിയോടെയായിരുന്നു അന്ത്യം. കഴിഞ്ഞ ചൊവ്വാഴ്ചയാണ് വാര്‍ധക്യസഹജമായ അസുഖങ്ങളെ തുടര്‍ന്ന് അദ്ദേഹത്തെ ആശുപത്രിയില്‍ പ്രവേശിപ്പിച്ചത്.

1975-77 കാലയളവില്‍ ഇന്ദിരാഗാന്ധിയുടെ അടിയന്തരാവസ്ഥ കാലത്ത് പ്രധാനമന്ത്രിയുടെ അടുപ്പമുളള കേന്ദ്രങ്ങളിലെ താക്കോല്‍ സ്ഥാനത്തിരുന്നവരില്‍ ഉണ്ടായിരുന്ന ഒരു വ്യക്തി കൂടിയായിരുന്നു ധവാന്‍. 1962ല്‍ ഇന്ദിരാ ഗാന്ധിയുടെ പ്രൈവറ്റ് അസിസ്റ്റൻ്റ് ആയായിരുന്നു ആര്‍ കെ ധവാന്‍ രാഷ്ട്രീയ ജീവിതം തുടങ്ങിയത്.