ഉപരാഷ്ട്രപതി വെങ്കയ്യ നായിഡുവിന് കൊവിഡ് പോസിറ്റീവ്

ന്യൂഡല്‍ഹി: ഇന്ത്യയുടെ ഉപരാഷ്ട്രപതി വെങ്കയ്യനായിഡുവിന് കൊവിഡ് പോസീറ്റീവ്. ഇന്ന് പതിവ് പരിശോധനയിലാണ് കൊവിഡ് പോസിറ്റീവാണെന്ന് കണ്ടെത്തിയത്.

Also Read : കുവൈറ്റ് ഭരണാധികാരി അമീര്‍ ഷെയ്ഖ് സബാഹ് അൽ അഹമ്മദ് അല്‍ സാബാഹ് അന്തരിച്ചു

രോഗവിവരം അദ്ദേഹത്തിന്റെ ഔദ്യോഗിക ട്വിറ്റര്‍ അക്കൗണ്ടിലൂടെയാണ് പുറത്തുവിട്ടിരിക്കുന്നത്. 71 കാരനായ അദ്ദേഹം ഇപ്പോള്‍ രോഗലക്ഷണങ്ങള്‍ പൂര്‍ണ ആരോഗ്യവാനാണെന്നും ട്വീറ്റിൽ വ്യക്തമാക്കുന്നു. നിലവില്‍ അദ്ദേഹം ഹോം ക്വാറന്റൈനിലാണ്.


Also Read : ആശങ്ക ഉയരുന്നു; കേരളത്തിൽ ഇന്ന് 7354 പേർക്ക് കൊവിഡ്-19 സ്ഥിരീകരിച്ചു

അദ്ദേഹത്തിന്റെ ഭാര്യ ഉഷാ നായിഡുവിന് കൊവിഡ് പരിശോധന നടത്തിയിരുന്നുവെങ്കിലും നെഗറ്റാവായിരുന്നു ഫലം. അവര്‍ ഇപ്പോള്‍ നിരീക്ഷണത്തിലാണുള്ളത്.

രാജ്യസഭയുടെ അധ്യക്ഷനും ഉപരാഷ്ട്രപതി തന്നെയാണ്. ഇക്കഴിഞ്ഞ മണ്‍സൂണ്‍ സമ്മേളനത്തിലും അദ്ദേഹം പങ്കെടുത്തിരുന്നു. സഭയിൽ എത്തിയ 25ലധികം എംപി മാര്‍ക്ക് കൊവിഡ് പോസിറ്റീവായിരുന്നു. പിന്നീട്, കൊവിഡ് വ്യാപനത്തിന്റെ പശ്ചാത്തലത്തിൽ സഭ വെട്ടിചുരുക്കുകയായിരുന്നു.

നേരത്തെ കേന്ദ്ര ആഭ്യന്തരമന്ത്രി അമിത് ഷായ്ക്ക് കൊവിഡ് രോഗം റിപ്പോര്‍ട്ട് ചെയ്ത് ആശുപത്രിയിൽ പ്രവേശിപ്പിച്ചിരുന്നു. പിന്നീട് ദിവസങ്ങള്‍ക്ക് ശേഷമാണ് രോഗമുക്തനായി അദ്ദേഹം ആശുപത്രിവിട്ടത്. നിരവധി സംസ്ഥാന മുഖ്യമന്ത്രിമാര്‍ക്കും രോഗബാധ റിപ്പോര്‍ട്ട് ചെയ്തിരുന്നു.

ഇന്ത്യയിൽ ഇക്കഴിഞ്ഞ 24 മണിക്കൂറിനിടെ 70,589 കൊവിഡ് കേസുകളാണ് സ്ഥിരീകരിച്ചത്. ഇതോടെ രാജ്യത്തെ ആകെ കൊവിഡ് ബാധിതരുടെ എണ്ണം 61,45,292 ആയി ഉയർന്നിരിക്കുകയാണ്.

Also Read : Fact Check: പ്രധാനമന്ത്രി ഗുുജറാത്തിൽ കപ്പല്‍ ഗതാഗതം തുടങ്ങിയോ ? വീഡിയോയുടെ സത്യം ഇങ്ങനെ

9,47,576 സജീവ രോഗികളാണ് നിലവിൽ രാജ്യത്തുള്ളത്. 51,01,398 പേർക്ക് രോഗമുക്തി ലഭിച്ചതായും ആരോഗ്യ മന്ത്രാലയം വ്യക്തമാക്കി. ഈ സമയത്തിനുള്ളില്‍ 11 ലക്ഷത്തിലധികം പരിശോധനയാണ് നടത്തിയിരിക്കുന്നത്. രാജ്യത്ത് ഒരു ഘട്ടത്തിൽ 96,000ത്തിലധികം വരെ എത്തിയിരുന്നു.