വിനോദസഞ്ചാരികളെ പിന്തുടര്‍ന്ന് സിംഹം: രക്ഷപെട്ടത് തലനാരിഴയ്ക്ക്; ഭീതിപ്പെടുത്തുന്ന വീഡിയോ വൈറല്‍
ഒരു കൂട്ടം സഞ്ചാരികളുടെ വാഹനത്തിനു നേരെയാണ് സിംഹം പിന്തുടര്‍ന്നത്. ഒരു മിനിറ്റ് ദൈര്‍ഘ്യമുള്ള വീഡിയോയില്‍ ആറു വയസ് പ്രായം തോന്നിക്കുന്ന കെസ്രി എന്ന സിംഹം സഞ്ചാരികളെ പിന്തുടരുന്നതായി കാണാം.
Samayam Malayalam 14 Oct 2019, 5:02 pm
ബെംഗളൂരു: സിംഹത്തില്‍ നിന്നും വിനോദസഞ്ചാരികള്‍ രക്ഷപ്പെട്ടത് തലനാരിഴയ്ക്ക്. കര്‍ണാടകയിലെ ബെല്ലാരിയിലെ അടല്‍ ബിഹാരി വാജ്‌പേയി മൃഗശാലയിലാണ് ഭീതിയിലാഴ്ത്തിയ സംഭവം.
ഒരു കൂട്ടം സഞ്ചാരികളുടെ വാഹനത്തിനു നേരെയാണ് സിംഹം പിന്തുടര്‍ന്നത്. വെള്ളിയാഴ്ച പുറത്തുവന്ന വീഡിയോ സമൂഹമാധ്യമങ്ങളില്‍ വൈറലാകുകയായിരുന്നു. ഒരു മിനിറ്റ് ദൈര്‍ഘ്യമുള്ള വീഡിയോയില്‍ ആറു വയസ് പ്രായം തോന്നിക്കുന്ന കെസ്രി എന്ന സിംഹം സഞ്ചാരികളെ പിന്തുടരുന്നതായി കാണാം.
വാഹനം വേഗത്തിലാകുന്നതു വരെ സിംഹം പിന്തുടര്‍ന്നു. വാഹനത്തിനുള്ളിലെ ഒരാളാണ് വീഡിയോ പകര്‍ത്തിയിരിക്കുന്നത്. വെള്ളിയാഴ്ച പങ്കുവെച്ച വീഡിയോയ്ക്ക് നാല് ലക്ഷത്തിലധികം കാഴ്ച്ചക്കാരും നിരവധി കമന്റുകളും ലഭിച്ചിട്ടുണ്ട്.