ഡിഎംഡികെ പ്രസിഡന്‍റ് വിജയകാന്തിനെ ആശുപത്രിയിൽ പ്രവേശിപ്പിച്ചു

ചെന്നൈ: ദേശീയ മുർപോക്ക് ദ്രാവിഡ കഴഗം(ഡിഎംഡികെ) പ്രസിഡന്‍റ് വിജയകാന്ത് ആശുപത്രിയിൽ. ഇന്നലെ വൈകിട്ട് എട്ട് മണിയോടെയാണ് വിജയകാന്തിനെ ചെന്നൈയിലെ മിയോട്ട് ആശുപത്രിയിൽ പ്രവേശിപ്പിച്ചത്.

തമിഴ് നടൻ കൂടിയായ വിജയകാന്തിന്റെ ആരോഗ്യ നില തൃപ്തികരമാണെന്ന് ഡോക്ടർമാർ അറിയിച്ചു. എന്നാൽ പാർട്ടി പ്രവർത്തകരും നടന്റെ ഫാൻസും ആശങ്ക രേഖപ്പെടുത്തി. മിയോട്ട് ആശുപത്രി അധികൃതർ ഇത് വരെ മെഡിക്കൽ ബുള്ളറ്റിൻ പുറത്തു വിട്ടിട്ടില്ല. ഡിഎംഡികെവിജയകാന്ത് ആശുപത്രിയിൽ ചികിത്സയിലാണെന്ന് പ്രവർത്തകരെ അറിയിച്ചു. ആരും പരിഭ്രാന്തർഹരാകേണ്ടതില്ലെന്നും ഔദ്യോഗിക കുറിപ്പിൽ അറിയിച്ചു. അടുത്തിടെ വിജയകാന്ത് അമേരിക്കയിൽ ചികിത്സ തേടിയിരുന്നെന്നും റിപ്പോർട്ടുകൾ ഉണ്ട്.