രാജ്യത്ത് ആള്‍ക്കൂട്ട അക്രമങ്ങള്‍ അനുവദിക്കില്ല: സുപ്രീംകോടതി

ന്യൂഡല്‍ഹി: രാജ്യത്ത് വര്‍ദ്ധിച്ചു വരുന്ന ആള്‍ക്കൂട്ട അതിക്രമങ്ങള്‍ തടയാന്‍ മുന്‍കയ്യെടുത്ത് സുപ്രീം കോടതി. ആള്‍ക്കൂട്ട അതിക്രമങ്ങള്‍ ഇനി അനുവദിക്കില്ലെന്ന് കോടതി പറഞ്ഞു. ഇത്തരം സന്ദര്‍ഭങ്ങളില്‍ ഭേദഗതികള്‍ക്കായി കാത്തു നില്‍ക്കാതെ നിയമപീഠം തന്നെ നടപടി സ്വീകരിക്കുമെന്ന് കോടതി അറിയിച്ചു.

പൊതുമുതല്‍ നശിപ്പിക്കുന്നത് ഭീകരമായ കുറ്റമാണ് എന്ന് കോടതി പറഞ്ഞു. കഴിഞ്ഞ ദിവസങ്ങളില്‍ കന്‍വാരിയകള്‍ ഡല്‍ഹിയില്‍ അക്രമം അഴിച്ചു വിട്ട പശ്ചാത്തലത്തിലായിരുന്നു കോടതിയുടെ മുന്നറിയിപ്പ്.

സംഭവവുമായി ബന്ധപ്പെട്ട് അറ്റോര്‍ണി ജനറല്‍ കെ.കെ. വേണുഗോപാലിന്‍റെ വാദം കേട്ട കോടതി ശക്തമായി പ്രതികരിക്കുകയായിരുന്നു. വിവിധ മത-സാമുദായിക സംഘടനകള്‍ സ്വതന്ത്രമായി ആള്‍ക്കൂട്ട അക്രമം നടത്തുകയാണ്. ഇത്തരം പ്രശ്നങ്ങള്‍ തടയാന്‍ സുപ്രീം കോടതി ജില്ലാ പൊലീസ് മോധാവികളെ ചുമതലപ്പെടുത്തണമെന്നും വേണുഗോപാല്‍ കോടതിയെ അറിയിച്ചു. കൊടുങ്ങല്ലൂര്‍ ഫിലിം സൊസൈറ്റിയാണ് ഈ വിഷയവുമായി ബന്ധപ്പെട്ട് കോടതിയെ സമീപിച്ചത്.