ട്രെയിനില്‍ ഓടിക്കയറുന്നതിനിടെ കാല്‍വഴുതി അമ്മയും മകനും; രക്ഷകയായി ഉദ്യോഗസ്ഥ, വീഡിയോ

കൊല്‍ക്കത്ത: നീങ്ങ തുടങ്ങിയ ട്രെയിനില്‍ ഓടിക്കയറാന്‍ ശ്രമിച്ച വയോധികയ്ക്കും മകനും രക്ഷകയായി ഉദ്യോഗസ്ഥ. റെയില്‍വെ സംരക്ഷണ സേന (ആര്‍പിഎഫ്) ഉദ്യോഗസ്ഥയുടെ സമയോചിതമായ ഇടപെടലാണ് രണ്ട് ജീവനുകളെ രക്ഷിച്ചത്. ബംഗാളിലെ ബാങ്കുര റെയില്‍വെ സ്റ്റേഷനില്‍ നടന്ന സംഭവത്തിന്റെ സിസിടിവി ദൃശ്യങ്ങള്‍ സോഷ്യല്‍മീഡിയയില്‍ വൈറലായിട്ടുണ്ട്.

Also Read: റോഡിലെ കുഴിയടച്ചോ, പരിശോധിക്കൂ; ദേശീയ പാതയിലെ കുഴിയടയ്ക്കല്‍ അടിയന്തരമായി പരിശോധിക്കാന്‍ നിര്‍ദേശവുമായി ഹൈക്കോടതി

ഉദ്യോഗസ്ഥയുടെ ധീരതയെ അഭിനന്ദിച്ചു കൊണ്ട് റെയില്‍വെ മന്ത്രാലയമാണ് വീഡിയോ ട്വീറ്റ് ചെയ്തത്. ബാങ്കുര റെയില്‍വെ സ്‌റ്റേഷനില്‍ നിര്‍ത്തിയ ട്രെയിന്‍ നീങ്ങി തുടങ്ങിയതോടെ നിരവധി പേര്‍ ഓടിക്കയറാന്‍ ശ്രമിക്കുന്നത് വീഡിയോ ദൃശ്യങ്ങളില്‍ കാണാം.


നീങ്ങിക്കൊണ്ടിരിക്കുന്ന ട്രെയിനിലേക്ക് വയോധികയും മകനും കയറുന്നത് ശ്രദ്ധയില്‍പ്പെട്ടതോടെ ആര്‍പിഎഫ് ഉദ്യോഗസ്ഥ ഇവരുടെ അടുത്തേക്ക് ഓടി ചെല്ലുകയായിരുന്നു. ഇവരില്‍ നിന്നും ഏറെ അകലെയായിരുന്നു ഉദ്യോഗസ്ഥ.

Also Read: സ്വാതന്ത്ര്യത്തിന്‍റെ 75ാം വാര്‍ഷികത്തിന് പ്രത്യേക നിയമസഭാ സമ്മേളനം ഉണ്ടാകുമോ? മറുപടി നല്‍കി മുഖ്യമന്ത്രി

വൈകാതെ തന്നെ വയോധികയും മകനും കാല്‍വഴുതി പ്ലാറ്റ്‌ഫോമില്‍ വീഴുന്നതും ദൃശ്യങ്ങളില്‍ കാണാം. ഇതിനടോകം തന്നെ അടുത്തെത്തിയ ഉദ്യോഗസ്ഥ പ്ലാറ്റ്‌ഫോമില്‍ നിന്ന് താഴെ വീഴാതെയും ട്രെയിനിന്റെ അടിയില്‍ പെടാതെയും ഇരുവരെയും രക്ഷിക്കുകയായിരുന്നു. സോഷ്യല്‍മീഡിയയില്‍ വീഡിയോ വൈറലായതോടെ നിരവധി പേരാണ് അഭിനന്ദന പ്രവാഹവുമായി എത്തിയിരിക്കുന്നത്.