സ്വന്തം വീട്ടിലെ തേങ്ങ വെട്ടി പണിതതല്ല പാലം; വി ഫോർ കേരളയെ പിന്തുണച്ച് കമാൽ പാഷ

കൊച്ചി: ഉദ്ഘാടനത്തിനു മുമ്പ് വൈറ്റില മേൽപ്പാലം തുറന്നു നൽകിയ നടപടിയെ പിന്തുണച്ച് ജസ്റ്റിസ് ബി കമാൽ പാഷ. മുഖ്യമന്ത്രി കാലെടുത്തുവെച്ചാൽ മാത്രമേ ഉദ്ഘാടനം ആകുകയുള്ളോയെന്നും സ്വന്തം വീട്ടിലെ തേങ്ങവെട്ടി പണിത പാലം അല്ലെന്ന് ഓർക്കണമെന്നും കമാൽ പാഷ പറഞ്ഞു.

ഉദ്‌ഘാടനത്തിന് മുൻപേ വൈറ്റില മേൽപാലം തുറന്നു; വി ഫോർ കൊച്ചി ഭാരവാഹികൾ അറസ്റ്റിൽ
ഇന്നയാൾ പാലത്തിൽ കയറണമെന്ന് എവിടെയും പറഞ്ഞിട്ടില്ല. ജനങ്ങളുടെ വകയാണ് പാലം, ഭിക്ഷക്കാരൻ കയറിയാലും ഉദ്ഘാടനമാകും. അതിന് പ്രധാനമന്ത്രിയോ മുഖ്യമന്ത്രിയോ ആവശ്യമില്ല. വോട്ടിനുവേണ്ടി എന്തോ വലിയ കാര്യം ചെയ്തു എന്ന് പറയുകയാണ്. ജനങ്ങൾ ഹൈക്കോടതിയെ സമീപിച്ചപ്പോഴാണ് ജനുവരി ഒമ്പതിന് പാലം തുറന്നുകൊടുക്കാൻ തീരുമാനിച്ചതെന്നും കമാൽ പാഷ പറഞ്ഞു.

വൈറ്റില പാലത്തിലേക്ക് ആദ്യം കയറിയത് വി ഫോർ കൊച്ചിയുടെ വാഹനം; നിപുൺ ചെറിയാൻ അടക്കമുള്ളവരെ റിമാൻഡ് ചെയ്തു
പാലത്തിലൂടെ പോയെന്നുകരുതി പൊതുമുതൽ നശിപ്പിക്കലാകില്ല, ആ വകുപ്പ് ചുമത്തി കേസെടുക്കാനാകില്ല. എംഎൽഎ ഫണ്ടിൽ നിന്നും പണം ചെലവഴിക്കുമ്പോൾ പേരെഴുതി വെക്കുന്നതാണ് പൊതുമുതൽ നശിപ്പിക്കൽ. ജനങ്ങളുടെ പണവും സ്ഥലവുമായതിനാൽ അവിടെ കയറാൻ അവകാശമുണ്ടെന്നും കമാൽ പാഷ പറഞ്ഞു.