പി വി സിന്ധുവിനെ വിവാഹം കഴിക്കണം, അല്ലെങ്കില് തട്ടിക്കൊണ്ടുപോകും; വിചിത്ര പരാതി
തനിക്ക് 70 വയസ്സ് ആയിട്ടില്ലെന്നും 16 വയസ്സ് ആയിട്ടുള്ളൂവെന്നും 2004 ഏപ്രില് 4 നാണ് ജനനതീയതിയെന്നും മലെയ്സാമി അവകാശപ്പെടുന്നു. പിവി സിന്ധുവിനെ വിവാഹം ചെയ്യണമെന്ന അപേക്ഷയോടൊപ്പം താരത്തിന്റെ ഫോട്ടോയും ഉള്പ്പെടുത്തിയിരുന്നു.
Samayam Malayalam 17 Sept 2019, 5:39 pm
ഹൈലൈറ്റ്:
- അപേക്ഷ നല്കിയത് ജില്ലാ കളക്ടര്ക്ക്
- വിവാഹം ചെയ്യാന് സാധിച്ചില്ലെങ്കില് പി വി സിന്ധുവിനെ തട്ടിക്കൊണ്ടുപോകുമെന്ന് പരാതിയില്
- ആഴ്ചയില് ചേരുന്ന യോഗത്തിലാണ് പരാതി സമര്പ്പിച്ചത്
ചെന്നൈ: പി വി സിന്ധുവിനെ വിവാഹം കഴിക്കണം, അല്ലെങ്കില് തട്ടിക്കൊണ്ടു പോകുമെന്ന വിചിത്ര പരാതിയുമായി എഴുപതുകാരന്. തമിഴ്നാട് സ്വദേശിയായ മലെയ്സാമിയാണ് ലോക ബാഡ്മിന്റര് ചാമ്പ്യനായ പി വി സിന്ധുവിനെ വിവാഹം ചെയ്യണമെന്ന അപേക്ഷയുമായി കളക്ടറെ സമീപിച്ചത്. ഇയാളുടെ പരാതി തമാശയാണോ ഗൗരവമുള്ളതാണോ എന്ന സംശയത്തിലാണ് രാമനാഥപുരം ജില്ലയിലെ കളക്ടര്.
പിവി സിന്ധുവിനെ വിവാഹം ചെയ്യണമെന്ന അപേക്ഷയോടൊപ്പം താരത്തിന്റെ ഫോട്ടോയും ഉള്പ്പെടുത്തിയിരുന്നു. തനിക്ക് 70 വയസ്സ് ആയിട്ടില്ലെന്നും 16 വയസ്സ് ആയിട്ടുള്ളൂവെന്നും 2004 ഏപ്രില് 4 നാണ് ജനനതീയതിയെന്നും മലെയ്സാമി അവകാശപ്പെടുന്നു.