മടിയന്മാരുടെ പട്ടികയിൽ ഇന്ത്യക്ക് 39 ാം സ്ഥാനം!!

ന്യൂഡൽഹി: ലോകത്തെ മടിയന്മാരുടെ പട്ടികയിൽ ഇന്ത്യക്ക് 39 ാം സ്ഥാനം. 46 രാജ്യങ്ങളിലായി സ്റ്റാൻഫോർഡ് സർവകലാശയലാണ് പഠനത്തിലാണ് ഇന്ത്യക്ക് ഈ സ്ഥാനം. എത്ര ചെറിയ ദൂരം സഞ്ചരിക്കാനും ഇന്ത്യക്കാർ കാർ അല്ലെങ്കിൽ ഏതെങ്കിലും വാഹനം ഉപയോഗിക്കുമെന്നാണ് പഠനം വ്യക്തമാക്കുന്നത്. ശരാശരി ഇന്ത്യക്കാർ ഒരു ദിവസം വെക്കുന്ന ചുവടുകളുടെ എണ്ണം 4297 ആണെന്നും പഠനം വ്യക്തമാക്കുന്നു.

46 രാജ്യങ്ങളിലെ ഏഴ് ലക്ഷത്തോളം ആൾക്കാരുടെ ചുവടുകൾ എത്രയെന്ന് സ്‍മാര്‍ട്ട്‍ഫോൺ ആപ്പിലൂടെ പഠനവിധേയമാക്കിയാണ് രാജ്യങ്ങളുടെ റാങ്ക് തീരുമാനിച്ചത്. 'നേച്ചർ' എന്ന മാസികയിലായാണ് സ്റ്റാൻഫോർഡ് പഠനം പ്രസിദ്ധീകരിച്ചത്. ദിവസം ശരാശരി 6880 അടികൾ വെക്കുന്ന ചൈനക്കാർക്കാണ് ഏറ്റവും കുറവ് മടിയുള്ളതെന്നും പഠനം വ്യക്തമാക്കുന്നു.

ചൈന, ഹോങ്കോങ്, യുക്രൈൻ, ഇൻഡോനേഷ്യ, ജപ്പാൻ എന്നീ രാജ്യങ്ങളിലാണ് മടിയന്മാർ കുറവുള്ളത്. ഇന്ത്യയിലെ സ്ത്രീകളാണ് പുരുഷന്മാരേക്കാൾ കുറവ് നടക്കുന്നത്. ചുവടുകളുടെ എണ്ണം കുറയുന്തോറും സ്ത്രീകളിൽ അമിത വണ്ണം കൂടുന്നുവെന്നും പഠനം ചൂണ്ടിക്കാട്ടുന്നു. ദിവസം 10000 അടിയെങ്കിലും നടന്നാൽ മാത്രമേ ആരോഗ്യം നിലനിർത്താൻ സാധിക്കുവെന്ന് റിതിക സമദ്ദർ എന്ന ആരോഗ്യ വിദഗ്‌ധ അഭിപ്രാപ്പെടുന്നു.