മോഹന്‍ ഭാഗവതിന്‍റെ പ്രസംഗത്തിന് വേദി റദ്ദാക്കി ബംഗാള്‍ സര്‍ക്കാര്‍

കൊല്‍ക്കത്ത: ആര്‍എസ്എസ് മേധാവി മോഹന്‍ ഭാഗവത് പങ്കെടുക്കുന്ന പരിപാടിക്കുള്ള ഓഡിറ്റോറിയത്തിന്റെ അനുമതി പശ്ചിമ ബംഗാള്‍ സര്‍ക്കാര്‍ റദ്ദാക്കി. ഒക്ടോബര്‍ മൂന്നിന് നടക്കേണ്ട സിസ്റ്റര്‍ നിവേദിത അനുസ്മരണത്തിനുള്ള വേദിയാണ് റദ്ദാക്കിയത്.

സര്‍ക്കാര്‍ ഉടമസ്ഥതയിലുളള കൊല്‍ക്കത്തയിലെ പ്രമുഖ ഓഡിറ്റോറിയമായ മഹാജതി സദനിലാണ് പരിപാടി നടത്താന്‍ തീരുമാനിച്ചിരുന്നത്. എന്നാല്‍ അറ്റകുറ്റപ്പണിയുണ്ടെന്ന കാരണം പറഞ്ഞ് ഓഡിറ്റോറിയം അനുവദിക്കാനാവില്ലെന്ന് അധികൃതര്‍ പിന്നീട് അറിയിക്കുകയായിരുന്നുവെന്ന് സിസ്റ്റര്‍ നിവേദിതാ മിഷന്‍ ട്രസ്റ്റ് അറിയിച്ചു.

ഇന്ത്യന്‍ ദേശീയ പ്രസ്ഥാനത്തില്‍ സിസ്റ്റര്‍ നിവേദിതയുടെ പങ്ക് എന്ന വിഷയത്തിലായിരുന്നു മോഹന്‍ ഭാഗവതിന്‍റെ പ്രസംഗം. ബംഗാള്‍ ഗവര്‍ണര്‍ കേഷരിനാഥ് ത്രിപാഠിയും പരിപാടിയില്‍ പങ്കെടുക്കുമെന്നറിയിച്ചിരുന്നു.

West Bengal government-owned auditorium cancels booking for event where RSS chief Bhagwat was to speak

A Kolkata auditorium has cancelled the booking for an event where Rashtriya Swayamsevak Sangh (RSS) chief Mohan Bhagwat was slated to deliver a speech