വാട്‌സ്ആപ്പിന് വിലങ്ങിട്ട് ഡല്‍ഹി ഹൈക്കോടതി

ന്യൂഡല്‍ഹി: പ്രമുഖ മെസേജിങ് ദാതാക്കളായ വാട്ട്സ്് ആപ്പിന് അതിന്റെ പുതിയ സ്വകാര്യത നയവുമായി മുന്നോട്ട് പോകാമെന്ന് ഡല്‍ഹി ഹൈക്കോടതി. ആപ്പ് അക്കൗണ്ട് ഡിലീറ്റ് ചെയ്ത യൂസര്‍മാരുടെ വിവരങ്ങള്‍ മാതൃകമ്പനിയായ ഫെയ്‌സ്ബുക്കുമായി പങ്കുവെക്കരുതെന്നാണ് ഡല്‍ഹി ഹൈക്കോടതി ആവശ്യപ്പെട്ടത്. എന്നാല്‍, വ്യക്തികളുടെ സ്വകാര്യത സംരക്ഷിക്കപ്പെടണമെന്ന് ചീഫ് ജസ്റ്റിസ് ജി.രോഹിണി അധ്യക്ഷയായ ബെഞ്ച് നിര്‍ദേശം നല്‍കി. ഉപയോക്താക്കളുടെ മൗലികാവകാശങ്ങള്‍ ലംഘിക്കുന്നതിനെതിരേ രണ്ട് വിദ്യാര്‍ഥികള്‍ ഡല്‍ഹി ഹൈക്കോടതിയില്‍ നല്‍കിയ പൊതുതാല്‍പ്പര്യ ഹരജിയിലാണ് തീരുമാനം.

വാട്‌സ്ആപ്പ് അക്കൗണ്ട് ഡിലീറ്റ് ചെയ്തവരുടെ വിവരങ്ങള്‍ സെപ്തംബര്‍ 25ന് മുമ്പ് സെര്‍വറില്‍ നിന്നും നീക്കം ചെയ്യണമെന്നും കോടതി ഉത്തരവിട്ടു. വാട്‌സ്ആപ്പ് നിലവില്‍ ഉപയോഗിക്കുന്നവരുടെ വിവരങ്ങള്‍ സെപ്തംബര്‍ 25 വരെ ഫെയ്‌സ്ബുക്കുമായി പങ്കുവെക്കരുതെന്നും കോടതി ആവശ്യപ്പെട്ടു.