വിവാഹത്തില്‍ മാതാപിതാക്കളടക്കം ആര്‍ക്കും ഇടപെടാനാവില്ലെന്ന് സുപ്രീം കോടതി

ന്യൂഡല്‍ഹി: വിവാഹത്തില്‍ മാതാപിതാക്കളടക്കം ആര്‍ക്കും ഇടപെടാനാവില്ലെന്ന് സുപ്രീം കോടതി. രണ്ടു വ്യക്തികള്‍ തമ്മിലുള്ള വിവാഹം സംബന്ധിച്ചുള്ള മറ്റ് കാര്യങ്ങളെല്ലാം വ്യക്തികളാണ് തീരുമാനിക്കേണ്ടതെന്നും അതില്‍ കോടതിക്ക് ഇടപെടാനാവില്ലെന്നും ചീഫ് ജസ്റ്റിസ് ദീപക് മിശ്ര പറഞ്ഞുപറഞ്ഞു.

ഡല്‍ഹിയില്‍ മുസ്ലീം യുവതിയെ കല്ല്യാണം കഴിച്ചതിന് ഹിന്ദു യുവാവിനെ കൊലപ്പെടുത്തിയ ​സംഭവവുമായി ബന്ധപ്പെട്ടാണ് സുപ്രീംകോടതിയുടെ നിരീക്ഷണം . വടക്കേ ഇന്ത്യയില്‍ ഖാപ്പ് പഞ്ചായത്തുകള്‍ അടക്കമുള്ള ഗ്രാമീണ സഭകള്‍ മിശ്രവിവാഹിതരായവര്‍ക്കെതിരെ നടപടിയെടുക്കാറുണ്ട്.

ഖാപ്പ് പഞ്ചായത്തുകളെക്കുറിച്ചോ അതുപോലുള്ള മറ്റ് സംവിധാനങ്ങളെ കുറിച്ചോ അല്ല പറയുന്നത്. വിവാഹം ചെയ്യാനുളള രണ്ട് വ്യക്തികളുടെ അവകാശത്തെക്കുറിച്ച് മാത്രമാണ് പറയുന്നതെന്നും കോടതി വ്യക്തമാക്കി.