ആ 15 ലക്ഷം എപ്പോള്‍ കിട്ടും: പ്രധാനമന്ത്രിയോട് വിവരാവകാശ ചോദ്യം

ന്യൂഡല്‍ഹി: ലോക്‌സഭാ തിരഞ്ഞെടുപ്പ് വേളയില്‍ മോദി വാഗ്ദാനം ചെയ്ത 15 ലക്ഷം രൂപ തന്‍റെ ബാങ്ക് അക്കൗണ്ടില്‍ എപ്പോള്‍ എത്തുമെന്ന് രാജസ്ഥാന്‍ സ്വദേശി കനയ്യ ലാല്‍ പ്രധാനമന്ത്രിയോട് വിവരാവകാശ നിയമപ്രകാരം ചോദിച്ചു. രാജസ്ഥാനിലെ ജാല്‍വാള്‍ ജില്ലക്കാരനാണ് കനയ്യ ലാല്‍. വിദേശത്തെ കളളപ്പണം ഇന്ത്യയില്‍ തിരിച്ചെത്തിക്കുമെന്നും ഇന്ത്യയിലെ ഓരോ പാവപ്പെട്ടവന്‍റെയും അക്കൗണ്ടില്‍ 15 ലക്ഷം വീതം നിക്ഷേപിക്കുമെന്നും മോദി വാഗ്ദാനം ചെയ്തിരുന്നു. ഈ വാഗ്ദാനത്തിന് എന്ത് സംഭവിച്ചുവെന്ന് പ്രധാനമന്ത്രിയില്‍ നിന്ന് തന്നെ മറുപടി കിട്ടണമെന്ന് കനയ്യ ലാല്‍ ആവശ്യപ്പെടുന്നു.

രാജ്യത്ത് നിന്ന് അഴിമതി തുടച്ചുനീക്കുമെന്ന് മോദി പ്രഖ്യാപിച്ചിരുന്നു. എന്നാല്‍ അഴിമതി 90 ശതമാനം വര്‍ധിച്ചിരിക്കുന്നതിനാല്‍ അഴിമതി അവസാനിപ്പിക്കാനുള്ള നിയമം എന്ന് കണ്ട് വരുമെന്നും അപേക്ഷയില്‍ ചോദിക്കുന്നു. കേന്ദ്രസര്‍ക്കാരിന്റെ പല പദ്ധതികളുടെയും നേട്ടം സമ്പന്നര്‍ക്കും കോര്‍പറേറ്റുകള്‍ക്കും മാത്രമാണ് ലഭിക്കുന്നതെന്നും അപേക്ഷയില്‍ ചൂണ്ടിക്കാണിക്കുന്നു.